بأحلم فى يوم......................

بأحلم فى يوم......................
=-=-=-=-=-=-
بأحلم فى يوم بسنابل قمح مخضرة...تملى صحارينا كلها.....
بأحلم بيوم ألاقى المصرى شبعان...وماياكلش الغلبان من الزبالة كماااان
بأحلم بمصر تكون متحررة بالفكر وعدم الانتهازية والكل يعرف حجمه كويس...
بأحلم لمصر ان يكون ليها رئيس يحس بالمصرى المطحون ولا يسمعش إلا ضميره وقلبه هو...ويكون بالمعنى...إنساااااااااااااااااااااااااااااااااااااااان؟
بأحلم اننا نرجع زى زمان..نحب بعضينا ..ولا نخدع كمان...والكل يحترم الكبير ..والكبير يحضن الصغير..وتزول كل الاحقاد..والعيلة الواحدة تبقى عيلة بجد وحق وحقيقى...
بأحلم انه يكون فى مصر مشاريع...ومانعدش نتريئ على كل حاجة تقدمنا لإدااام؟
بأحلم اننا نقف مع بعضينا ومع الجيش والشرطة...والقضاء يكون عادل بجد..ومايطولش الاحكام والجلسات ويورينا همته..واحنا نكون معاه ونسانده...
بأحلم بيوم مانقومش بثورة..إلا لما حد يدفعنا..ونكون احنا اول البادئين...؟
عاوز قبل ما نصدر فائضنا من اى مخزون..ان بيت اى بنى آدم فى مصر يكون مليان ومايبصش برة وينحرم؟
بأحلم بالسياسة تكون مصر متعاونة مع كل الدول...وتعادى بس اسرائيل واى بلد متأنزحة ظالمة..وعمرنا ماحننسى اللى وقف معانا..زى السيسى لما قال...ولا حننسى للى أساء الينا فى كل المحن....
بأحلم ان كل مواطن ياخد حقه من التعليم والثقافة والصحة والعدالة الاجتماعية بجد...وكمان الكل يشتغل ومافيش بطالة ...والكبير يكب على الصغير من قلبه..وحبه لبلده..ويشغله...
نفسى يكون التعليم فى مصر بجد...مش حضور وغياب وده يبقى كل اهتمامتنا...ده اسمه تهريج والعيال بتطلع مش عارفة علم...ولا بتعرف بلدها كمان مصر..للأسف؟؟
بأحلم أنى اشوف الشمس..داخله كل بيت...وبلاش السكن فى المقابر وبلاش الاعلانات اللى بتهيج الناس وفيلات بالملايين...وعربيات بالشيئ الفلانى...والسياحة لابد ان تخفف شوية تذاكر السفر بالطيرات كانت او بالقطارات او حتى بالباسات..والغرف السياحية تنزل اسعارها شوية ياوزير السياحة..ده لو عايزنا نسافر والا نعمر فنادقنا فى كل حته فى اسوان والا فى شرم والغردقة ودهب...وغيره وغيره..
نفسى اللى عنده رأى يقوله بحرية ولا فى يوم يتمسك ولا الداخليه تحطه ادامها كمين وتسلخه؟؟
نفسى العدالة تكون لكل الناس..للكبير قبل الصغير وننسى حكاية المحسوبيات...لادى بنت محمود سعد..ولادى بنت حمضين صباحى..ونكون كلنا سواسية...وباب الدخول والخروج من مصر يتراقب كويس ومش اى حد يخرج..ومعاه ملايين..وعامل عملة...ومش اى حد يدخل ومعاه شوية سلاح..ولا حد يفتشه؟؟
نفسى وباحالم..ان الوقود من البنزين والسولار لإدارة مولدات الكهربا..ينعدم...وتدوير السيارات والطيارات والقطرات...ونرجع نراجع مشروعات الطاقة واللى بدأناه مع الكابتن/ابراهيم حجازى نكمله..فى قناة النهار السنة اللى فاتت السودا...ونستغل المياه والطاقة الشمسية...اللى مالهاش حدود عندنا..بس احنا نشغل مخنا..وبلاش مواضيع الاحباط ونشجع علمائنا واولادنا انهم ينتجوا ونقف وياهم لغاية الآخر..لاحسن اعدائنا عالباب مستنية امريكا والا الزفت اسرائيل...وحتخطف اى عالم والسلام...وتحرمن من مثلا اسامة كمال الشاب اللى اخترع واكتشف انه يمكن يمشى العربيات والطيارات بالمياه والطاقة الشمسية وخلاص..الولد ده اكيد اندفن او تكون امريكا اللعينة خطفتهاو اسرائيل الزبالة...؟
نفسى اشوفك يامصر منورة
نفسى اشم هواكى واسمع مواويلك ..وبلاش نأورة
نفسى مانجبش جاز..ونرجع تانى لورا
احنا تعبنا من زمان اوى
وكنا ومازلنااااا بنجيب جاز ونكسكس...وكمان دايما لورا...
مصر بلدنا اعظم بلد فى الكون
بس...
ياريت بس نحسها ونحبها ونعشقها كلنا
مصر كبير بيكم انتم وانا
مصر اللى حيمكسكها
اكيد حيكون واحد مننا
لا تقوللى نغمة دى اصوله عسكرية والا ده ميوله ابصر ايه
المهم فالنهاية
انه حيكون بنى ادم مصرى زينا..
بيخاف ربنا
وبيعمل حساب لبكرة
ومش حانجيب الباطل ده تانى ابدا
احنا اخدنا دروس كتيرة اوى
وعمر اللى فات ما حيرجع تانى
والله يرحمك يا طلب؟؟؟؟
=-=-=-=-0-
المواطن/علاء بيومى
الروضة/القاهرة
مصر العظيمة الابية بيكم انتم يا اهلى ووطنى الغالى امناااااااااااااااااااااااااااااا
والسلام..
=-=-=-=-