يابتاعة الزمالك..يمكن بأحلم..لو يوم اتكلمت عليكى؟؟
=-=-=-=-=-=-=-=--
عارفه ياسمك ايه....؟
والله نسيته من كتر البعد والعناد..؟
الواحد لو دور على دور يشبهلك مش حيلاقى
لو انتى مولودة فى الزمالك
انا برضوا واد من بولاق ومولود فى السبتيه
يعنى معلمين وفتوات بحق وحقيقى
مش زى بتوع السيما
يعنى اصالة
يعنى مروة
يعنى رجاله اوى بجد ولو ماحدش عاجبه اوريله شغله؟
بس عاوز ااولك؟
انا لا كنت فى يوم فتوة
واهلى كلهم كانوا بهوات
والنحاس باشا كان بييجى بيتنا
اصله كان صاحب صادق بك حسن خال امى الله يرحمها
ومحرم فؤاد كان من السبتيه واخته كانت صاحبة امى
فتعمليش فيها ديلكاه وابصر ايه؟؟
دورى على اصلك...
وشوفى انتى جايه منين؟
دى الزمالك دى كت هيش وارض زراعيه وبهايم قبل ماتتولدى
واى واحده عايشة هناك
عارفة اصلها ايه
وفصلها فين؟؟
وما تحاوليش تخدعينى
عشان احنا جدعان اوى بالصلى على النبى
مايغركيش انى مهندس
لا دانا وقت الشدة معلم
وواد كسيب ومجدع وعمرى مااهلس؟؟
يابتاعة الزمالك...
الشاعر الغنائى مهندس/علاء بيومى
المنيل
القاهرة
مصر الحبيبة الغالية
15مارس2014م
الثلاثاء فبراير 23, 2016 6:15 am من طرف احمد رضا الارناؤوطى