ياخسارة..رحلة جميلة لم تتم للغلاسة وقلة الادب وعدم الرؤية من ادارة فندق الجافى بخليج نعمه؟؟

Alaa Bayoumyposted toSafaa Abou El Soud
3 minutes ago near Cairo
صباح الجمااال ياصفاء انتى وايه..لقد عشقت هذه الصفحة جا واسمحوا لى الن ادون عندكما هذه واتشرف بذلك...
ياخسارة..رحلة جميلة لم تتم للغلاسة وقلة الادب وعدم الرؤية من ادارة فندق الجافى بخليج نعمه؟؟
----------------------
تخيل انك قاطع مسافة من القاهرة الى البحر الاحمر بشرم الشيخ فى 8ساعات بأتوبيس شركة جوباص..قيادة صديقى السائق عم احمد رجب..وهو رجل رائع بس زوجته تكلمه وتنرفزه وهو سايق بأرواح لاتمام الرحلة بالمحمول وكل شوية اقول له وجلست بجواره وهو سايق لأهدأ من روعه ونرفزته عليه وكلمته لالهيه عن قرف النسوان ومخهم المرسى العياط الزبالة يعنى مافى مخ ولا كبده ولا سى فوود كمان يعنى ترتر للاسف واستبن..؟
المهم وصلنا شرم فى العيد الصغير اول يوم بعد عشروميت كمين جيش وشرطة بس اكمنة الجيش جميلة جدا وفعالة اما الشرطة فكسكى خالص؟؟ وهى لصالح الناس اجمعين ..ربنا يقويهم ويخليهم حماة الوطن الغالى مصر..
المهم..برضوا ههههههه
وصلت 11م بمنتهى التعب والارهاق للفندق واخذت الغرفة الفردية بسريرين بكل الكماليات ايضا وبلكونه ياسيدى وحديقة يعنى ملوكى كده وحلوة جدا..
طبعا استلمت الغرفة على حمام السباحة كمان..وبصراحة بعد 10 دقايق جالى العشاء ،نواشف كتر خيرهم لانى كنت جعان جدا والاوبن بوفيه بيخلص 9 بالليل..وبعد ما اتعشيت فى الغرفة..وجدت دش نازل من سطح الغرفة من عند الباب..مياه كأنها شلال على الباب وعلى الاكباس الكهربائية..طلبت الريسبشين ارسلوا من اصلح مواسير التكييف ولم اغير الغرفة وشكرتهم جدا بصراحة يعنى!!!
نمت..بعد ما فضيت حاجتى بالدولاب واخذت دش محترم ..واستيقظت 5 صباحا ..لانى متعود على الصحيان بدرى اوى من ايام ماكنت فى الجيش والمطار..نزلت حمام السباحة الجميل وسبحت كده ساعتين فى حضن الجبل والطبيعة والعصافير والنخل وشرم الشيخ يا ابا؟؟؟
الفطار من 7ص حتى 9ص..افطرت بالروسترا..وتعرفت على كام شخصية
اصل انا ما احبش اقعد فى مكان الا اصاحب الناس كلهم رجالة وستات وبنات واطفال..دى طبيعة فيا...وربنا مايحرمنى..
نزلت على البحر
وبالمايوه ياسيدى اعدت والشيزلونج اللى بنشوفهم فى التليفزيون وطبيعة الجو الخلابة والوجوه النضرة جدا والجميلة ايضا من الاجانب والمصريين..
ولعبت نط الحبل..
وشربت مشروبات على الشط ايش كولا واسبرايت وسجاير..
المهم قضيت يوم حلو مع التمشية والتصوير الذى اعشقه والتعارف..هو الواحد حيجبر الناس على المعرفة سواء ست او راجل..بصراحة يوم جميل جدا جدا وده كان اول ايام عيد الفطر المبارك فى اغسطس الماضى..
اوتيل جافى بخليج نعمة ..مساحته كبيرة جدا للغوص والسباحة وللاقامة..بس محتاج شوية تظبيطات..صاحبه كان لواء بالمخابرات سابقا..بس لسه عايش الدور كأنه فى الخدمه وهو خارج الخدمة..يعزم المحافظ ومدير الامن بفلوسه اصله هو مالكه ماليا..
سايب الادارة لبنت اخيه الخيبابة..والكل من العمال يكرهونها لانها انزوحة وشايفة نفسها وكبيرة لم تتزوج حتى الان..تعاملك كده بود فى الاول وبعدين انا جست يعنى ضيف جاى انفعهم واعيش شوية هدوء بايامى المتبقية ان كانت؟؟
يعنى تسيبينى براحتى وانا مؤدب وعمرى ما حاقله..بعد ان وصلت للنضج الفكرى والاحساسى..
فاشلة اداريا جدا للفندق..
اسمها جينا على ما اتذكر..
وكنت افكر قبلا ان اكتب ذلك..لكن مااعرفش ايه اللى ارقنى لأكتبه لارتاح شوية؟؟
ذهبت فى اليوم التالى لأتعشى فى المطعم بالفندق..
جلست وحدى كالمعتاد
واوبن بوفيه..
حضرت واخترت عشائى..
واثناء ذلك جاللى واد رقيع لا اعرفه وانا لسه باسلم عليه..فوجئت بذلك؟؟
احنا مراقبينك ..ده بيقوللى بروح امه؟؟
وعارفين بتعمل ايه..
وحاقول مستر جافى على كل حاجه؟؟؟؟؟؟
بصراحة..اتسمرت بمكانى..لانى لم اعتاد بحياتى على هذه الاتهامات بلا جريرة...تعودتها فقط من الشماطاء حماتى الاولى..اما التانيه فقد كانت ام وليست حماه الله يرحمها؟؟
قلت له انا؟
اتقصدنى انا؟؟
قال ايوه يامستر علاء؟؟
قلت مسترتنى كمان ههههههه
قلت له امشى ياض؟
الله ينعل ابوك انت والجافى بتاعك ياغبى؟
ولم اتعشى طبعا وذهبت لاحتساء القهوة ومصمم على لقاء هذا الجافى اللواء السابق؟
وقابلته وقدمت له نفسى...وقلت له الحكاية الغبية دى؟
فى حضور بنت اخوه جينا هذه...
قالت لى بعد الخروج من المكان الذى هو يقيم فيه..
انا التى ارسلت لك هذا الجضفل؟
قلت لها انتى لماذا؟
الم يكن من الاسهل وانا جاى لسه امبارح ان تواجهينى وجها لوجه بدل واحد واطى لا فى تعليمى ولا ثقافتى ولا فى مركزى وهو لا يعلم انى جاى هنا للراحة والانتعاش ومهمة مكلف بيها بسيناء الحبيبة؟؟
مش عيب يابنتى؟؟
تقول بمنتهى الغباء
انت زعلت؟
قلت لالالا انا فرحت خالص ويمكن حاغنى وارقص بلدى عشانك ياحبيبتى؟؟
ايه الغبيات دول ياربى
بقى انا جاى مرتاح من وش ابيهم واخيهم اجدهن هنا..ايه المصيبة دى؟؟
تحب اديك غرفة على البحر..؟
غرفة ايه؟
انا مبسوط ياستى ولم اطلب منكى ذلك اترشينى ةالا بتصالحينى؟
ورفضت طبعا
تحب ترقص روتغنى ما تيجى على البحر
حسيت انها بتكلم عيل مش واحد عنده 61سنه؟ وكان وكيل وزارة كمان وله لمسات جليلة بمصر امنااااا؟
قلت لها وهى تسير بجوارى ان شاء الله
وفى هذه الليلة
غنيت انا باعشق البحر لنجاة مع الموسيقى والمايك امام بتاع 100واحد وواحدة مصريين على عرب على اجانب..وكما بعديها توخونوه لحليم بصوتى الاجش..وعمرى بجد ما غنيت امام الناس ممكن اغنى ادام بنتى فى الحمام فى ىالقاهرة لكن ادام الناس اول مرة واحست باحساس نجاة وانا امام البحر الاحمر الجميل واحساس حايم الله يرحمه حبيبى الغالى.
طبعا العملية باظت وابلغت الناس
ونفسى اتقفلت ولم انزل من شرم لسيناء بالصحراء للاسف
وقضيت يومين للاسف فى الغم والعوم والتعارف برضوا غصب عين ابوهم
انا اللى بانفعهم
ومش نازل على حساب حد لا لاالسيسى ولا المخابرات؟؟
وروحت وانا حزين
ان فيه ناس كده بهذا التفكير الحقير
ومعاملة الضيوف
ده انا ضيف
ولست عامل معهم
وروحت للقاهرة
على الا انزل بفندق جافى هذا مرة اخرى ابدا
حتى لو دفعولى هما او انزلونى ببلاش كده بسويت حتى؟؟
حاجه تقرف يا جافى يا لواء المخابرات السابق
واسف يا جينا ان قابلت واحده زيك يابت؟؟
============
م/علاء بيومى
القاهرة
مصر العظيمة