استاذ علاء بيومى
عدد المساهمات : 1567 تاريخ التسجيل : 21/02/2012 العمر : 72 الموقع : القاهرة
| موضوع: انا معايا فلوس كتير ونفسى آكل طعمياية! السبت فبراير 09, 2013 1:15 pm | |
| أنا معايا فلوس كتير ونفسى آكل طعميايه! أنا معايا فلوس كتير....ونفسى آكل طعمية وفول وبصارة مش قادر هما مش غاليين....لكن الدكتور محرج عليا...وسبحان الواحد القادر كنت زمان وانا صغير.... والزمن عمره مايغير.. كنت آكل بصل وعيش بلدى وفول وبصارة وفين يوجعك... مرة اشتكيت من بطنى....جابولى الدكتور...قاللى هو ايه اللى بيوجعك؟ قلت له بطنى يادكتور بتتقطع وبارجع كل اللى باكله.. قال لى امنع نفسك من الأكل ده...عندك دوالى المريئ...وحاسب من اللى بتاكله قلت فى نفسى..... ياربى....انا عندى فلوس بالملايين...ومش عارف اكل ملوخية والا حتى حتة طعمية؟ هو انا عبد الحليم والا ثومة...ليه ياربى خلقتنى كده؟ ماقدرش حتى آكل ولو طبق ملوخية؟ قالوا لى امشى على اللى بيقولوا الدكتور...واقلم حياتك على كده..واهى عيشة.. هو يعنى لما تجينى الفلوس بالكوم...مااقدرش حتى اكل اللى على مزاجى؟ دوالى ايه....هو عشان مرة اشتكيت وعملت اشعة وباخد دوا..يبقى خلاص اتحرم؟ نصيبى كده..والناس بتقر عليا..ده معاه فلوس وبياكل كباب وكفته وكل اللى اهلى منهi اتحرم بتحسدونى على ايه؟؟ خدوا نص ثروتى ... وادونى كل يوم ولو طعميايه...انا موافق..ومين اللى ضدى ومين اللى معايا؟ قالوا الناس ...كلنا ضدك يابرنس...صحتك بالدنيا عندنا..قلت لهم بلاش تمييس معايا؟ وجابوا الدكتور ونقلونى على المستشفى.....قالوا لى حتموت قريب لو ماسمعتش ندانا؟ واهو انا عايش محروم من اكل اللى بحبه ومفحوم عملت ليا ايه الفلوس...غير المرض وعايش مفروس تغور الفلوس اللى ماتنزه صاحبها ..ده بس كان نفسى فى طعميايه وشوية فول مهروس. أعيش زى عبد الحليم وخلاص..اهى شهرة على الفاضى..والمتعوس دايما متعوس. =============== م/علاء بيومى 9/2/2013م | |
|