استاذ علاء بيومى
عدد المساهمات : 1567 تاريخ التسجيل : 21/02/2012 العمر : 72 الموقع : القاهرة
| موضوع: المسحول وسى مرسى!!!! الأحد فبراير 03, 2013 4:08 pm | |
| المسحول وسى مرسى! ========== الغلبان...سلاحه سكينة معجون.. وهو فى الدنيا مطحون.. عاوز يجوز بنته.. ال انا جنب القصر... ما ده اللى بتتحكم منه مصر طيب اروح اتمشى شوية قبل مااجيب لبس البنت لقى الثوار بيحرقوا فى الاتحادية قال طيب انا مالى لحسن ياخدونى الاباضية والا حتى يمكن يلبسونى قضية طلع يجرى.. شافوه اخوانا البعدا ..الوا هاتوا الواد ده ابن الكلب اللى بيجرى دا باين عليه ارهابى وسؤال من هنا وضربة من هناك وقعوه على الارض... والوا من مين انت قابض ال لهم ده انا غلبان..وكنت جاى اتفرج.... الو..تتفرج على ايه يا ابن الوليه هى دى فرجة ياروح امك... وايه اللى معاك ده.... جركن بنزين...وكمان ازازة مولوتوف عيط الوله ...ولا النسوان.. وال لهم بنزين ايه...ومعرفش يأول مولوتوف... وفى الحال اتلم عليه عشر بنى أدمين وبالدروع والخوز..لابسين وراحوا جرينه على الارض ومرمطوا بكرامته الارض ال لهم ياناس ده انا رايح اجيب هدوم...ترمونى على الارض وفى لحظه قلعوه ملط وبان جسمه كله وعورته ماادرش يداريها وفين يوجعك ...واديله والعالم كله بيصور..رجال الشرطة البواسل وهاتك ضرب ..متواصل.. الوعى راح...وكله ضاع... واتعور ...واتهتكت كرامته وبان التحرش على ودنه... وزير الداخليه كتر خيره بعت اللى يهدده... حنعمل فى مراتك..وبنتك زى اللى اتعمل فيك واكتر الوله طلع فى التليفزيون انكر ان حد اتعرض له من الشرطه الله امال ايه اللى العالم شافه ده... دى الشرطة طلعت اقذر من عصر العادلى ولما الوزير اتكشف قال ايه لما يخف انا حااقابله وارضيه ياعينى عليكى يابلدنا والبنت قالت يا بابا ماتبقاش جبان انا حيجيللى جنان؟؟ قول الحقيقة وما يهمكش وحسبى الله فى اللى عمل كده ومابيحرمش ومش عارف الحكايه على ايه حترسى... وكل ده.. عشان يعجب سى مرسى.. والاخوان اللى لسه ماعندهمش دم.. وقاعدين على الكرسى... ----------------------------- م/علاء بيومى 3/2/2013م القاهرة | |
|