استاذ علاء بيومى
عدد المساهمات : 1567
تاريخ التسجيل : 21/02/2012
العمر : 72
الموقع : القاهرة
 | موضوع: الله يرحمكوا  السبت نوفمبر 17, 2012 4:52 pm | |
| الله يرحمكوا
----------------------
يا امايا....
اكتب لكى جواب..وانا غرقان فى دمى
والنبى ماتعيطى عليا
انا اللى اعيط عليكوا
اصل انا عياط..وانتى عارفه
اعيط وانا سايبكوا ورايح لربنا
والله يكون فى عونكم يا اهلى ولستم عشيرتى
كان نفسى اطلع ظابط
طيار
يمكن كنت اجيب حقكم
كان نفسى افرحك
كان نفسى اطلع دكتور ولا مهندس
لكن ربنا خدنى
عشان ماعيشى اشوفكم فى عذابكم مع العياط والبلطاجى
اشوفكم متقيدين فى حريتكم
حتى القنوات الجادة بيقفلوها وسايبين قنوات التيت يا طنط
وكمان يا امايا
المقالات المهمة بتتلغى
بدون سبب
ولسه دم شباب الاهلى سخن...
وما اتحكمش فى امرهم
وبيقولوا الاخوان هما اللى قتلوهم
ياامايا
ادعيلك وانا فى الجنة
انه يزلزل عرشهم
ويرجعوا لصوابهم
مصر بتضييع وهما بيتفرجوا
وغاويين منظرة وتصوير
السواق مكانش غلطان
المزلقان كان مفتوح
وماكانش حد بيأمنه
ادعيلى يا امايا
انى ادعوا لكوا كلاتكوا
ربنا يريحكوا
زى ماريحنا انا وزمايلى فى المدرسة
واقول لكم لو ماصلحتوش اموركم
حاقول لكم الله يرحمكم
----------------------
م/علاء بيومى
17/11/2012 | |
|
