يوميات مواطن مصرى 48 -انا كمان مش خرونج..ولكنى اتجمل؟؟
=-=-=-=-=-=-
عارفين....الدنيا دى دنيا بجد...
واللى بيعتبرها..عظمى والا كبرى..يبقى بجد مالوش حق..عشان رمضان مش حاقول الفاظ نابية..عشان خاطره هو مش انتم..هههههههههههه
=-=-=-
امبارح اول يوم كان بشهر رمضان الكريم..
ولتانى سنة لا اقضيه مع ناسى..ايام ماكان لى ناس وزوجة وابنة؟؟
قضيته مع البواب..ومع البقال..ومع بتاعة الجرجير..ومع العلاف اللى تحتينا..بديك رومى عظيم وملوخية وسلطة وبابا غنوخ..وقطايف بالمعصج...وارز بالشعرية..ومشروبات مانجو طبيعى وقمر الدين شراب ومطبوخ..وكل ده وحياتكم من عمايل ايديا وحياة عينيكم..فكان افطار شهى احسست معهم بروح المحبة والألفة بين مهندس مسلم صايم ومواطن وبطبقات الشعب الكادحة وده كان منتهى املى ومقصدى وسعادتى...فكل سنة وهما طيبين وكل الناس الطيبين ولا للحوجة للاخوة الاشقاء ولا ست ولا ابنة هاربتين...وكستبان رابس...واخد بالك ياشريف يابيومى؟؟
أمس كان يوم مشحون بالمكالمات والشات...والكنافة والقطايف والحمد لله............
1-كلمنى صديقى الغالى الدكتور الطبيب /يسرى حافظ حبيبى المحترم للمعايدة..فكان وقع المكالمة على عظيم الوقع واقول له شكرا ياغالى وكل سنة انت والاسرة الكريمة بخير والف سلامة عليك من وجع الظهر وربنا يشفيك يارب...
2-لتالت مرة اذهب للبنك الاهلى المصرى..بس مش باين انه مصرى ولا حاجة....كى اصرف معاش نقابة المهندسين المتنيل ب60 نيلة...والمفروض انه بيتقبض من يوم 25فى الشهر كل شهر...ولم اجده..لعله صايم هو كمان..او القائمين على النقابة المجلس الجديد ربما بهم عفن فطرى افسدهم من الاول فزعقت وهللت..انا ماعيش فلوس..وهى دى فلوس يا ولاد الهرمة...امال نقابة المحاميين ازاى بياخدوا 3000ج واحنا معاش نقابة المهندسن 445ج بس..؟ ايه التفاوت ده كله...؟طيب مهندسين ازاى يعنى؟ واحد جانبى اسمه ايمن صالح ..بيقوللى ازاى ...كده؟؟ثم نام على جانبه ههههههههههههه؟؟
عيب يا نقابة المهربيييين؟
=-=-
واحدة اسمها الحاجة امال..كلمتنى على الموبيل بتاعى اتصالات..صديقة زوجتى الهاربة ايام ماكانت زوجتى..بتسأل عليها وهى على المعاش..قلت لها ده وحياتك ياحاجة تليفونى؟؟
قلت لها كل سنة وانتى طيبة ياحاجه..دى خدت استمارة 6 وخلعت وهربت وهجرت..بقالها سنة...انسى ياحاجة ومش حارجعها تانى خااااالص يا حاجه وانسى وخدى البنسة لا هى ولا بنتى جاسوستها؟؟
امبارح برضوا اسعدنى شاب جميل عنده جرووب اسمه شارع المنيل...وجعلنى مشارك فى الادمين بهذا الجرووب الراقى وكلمته على الشات فأسعدنى كثيرا جدا واصبحنا صديقين بشارع المنيل ومن اصدقائى الغاليين فشكرا يا ابنى احمد السخاوى...
=-=-=-=-
امس ايضا مساءا رن هاتف البيت..ورفعت السماعة وجدت الراجل اللى انا لا اطيقه بالعمارة الحاج/رأفت..بيسلم عليا..وبيقوللى كل سنة وانت طيب وانسى....ههههههههههههه
بصراحة كسفنى..
وكمان بيقوللى انه راقد مابيخرجش بقاله شهر والنقرس زاد عليه؟
وهو اكبر منى بحوالى 5سنوات..
وكان هارينى هو وزوجته..وبيطلعوا على كلام فارغ..وقلة ادب..
وكانوا بيحاربونى عشان انا حقانى وما بحبش الظلم ابدا عمرى..
قررت ان ازوره ..وربنا كريم لما عرفت انه مريض..مع انه مفترى هههههههههههه
وربنا يعطى الصحة والستر لكل واحد وواحدة فى العالم كله..........
انا مابحبش اغلط فى حد..وعشان كده اكره اوى اللى بيغلط فيا بدون مناسبة..والسلام..؟
رجااااااء..
---------------
رجاء دى مش خالتى ياض.............ههههههههههه
خليك كده
وخليكى بنت فونت
وبلاش تتجرجروا لتجار الكلام وبس
للوعود البراقة
وهو بيسعى للتجبر وسرقة اموال الشعب..
اختياركم للمجلس الجديد..النيابى
وده امر وجابى
ادى صوتك للى حينفع الوطن
لا حزب وطنى واطى ولا اخوان ولا زفت
ولا سلفيين وبرهامى بتاع ده مش زنا؟؟
خدوا بالك يامصرى وما تنخدعش
اختار بس الصادق
مش المعرفة وخلاص
وربنا يسترها
احنا عاوزين الصح بالمكان الاصح........................
وكل سنة وانتم طيبين
الفجر بيؤذن اهه
اقعدوا بالعافية..
سلام
مهندس/علاء بيومى
30 يونيو 2014م عيد الثورة الاول
القاهرة/مصر