الناس مابقاش عندها للأسف دم..وحياتكم مانا عاوز حاجة من حد؟؟

الناس مابقاش عندها للأسف دم..وحياتكم مانا عاوز حاجة من حد؟؟
=---=-=-=-=-=-=--0-=--
لما صاحبك يكسفك ويخليك تزعل منه ،اوى اوى،عشان يقولك ازاى تخش تعزى عند الحريم..ولما تقوله طيب هى دى فيها ايه..؟
يقولك اهلى كلوا وشى امبارح..ايه اللى انت عملتوا ده؟
كأنها جريمة..وانا متعود فى اى عزاء مفتوح مش فى بيت يعنى
من على الباب اقف واعزى مراته والا بنته فى خالها المرحوم
ويعود الزعل تانى لابراهيم اللى افتكرته اتصلح؟؟
انا مش فاهم انا غلطت فى ايه
مش كفايه انى جيت المشوار من المنيل لآل رشدان بالتاكسى كمان
اصلى بعت عربيتى؟
ده بدل مايشكرنى انى جيت ومافيش حد من كانوا زمايله جولوا
وبعدين انا رايح عشان زوجته الجدعة الخلوقة المحترمة
مش عشانه بصراحه؟؟؟
-................
لما تلاقينى الناس قاعد وحدى
تقريبا داخلين على سنة..
وزالحمد لله مرتاح جدا..
بيخدمنى بواب وست بتجيللى مرتين تنضف البيت..
والتلاجات مليانه والفريزر والديب
وباسافر...باستمرار لتغيير جو اكيد والتعارف
ولما الناس ماتعزمنيش
او حتى يسبونى فى حالى
مش يقولولك هو انت حتاكل الجدى لوحدك
ماتبعت لينا نصيبنا؟؟
ده بدل مايبعتوا حلة محشى
والا فرخة مشوية
والا زى صاحبى الغالى محمود
اللى اهدانى بطة ومارضيش ياخد تمنها؟
هو الناس جرى لها ايه؟
ولما اخويا ابن امى وابويا
مايجييش يشوفنى
او يكلمنى كل اسبوعين مرة؟
الصراحة كتر خيره
او حتى يعزمنى عنده
يبقى اكيد انت مش فى مصر؟
هو انا عاوز حاجه من حد غير السؤال عنى
او يمكن انا مش كويس
لما الناس قرايبى او معارفى تطنشنى
رغم اللى عملته وياهم
والحمد لله مستورة
ولسه باضحك وابتسم لغاية دلوقتى
ولغاية مااموووت ان شاء الله..
مهندس/علاء بيومى
26/4/2014م
الروضة
القاهرة
مصر للأسف اللى اتغير ناسها والا انا اللى اتغيرت وبقت ريحتى وحشة ولا حاجه
لا سمح الله؟؟