الله يرحمك يا ابا؟؟
=-=-=-=-
بتسألينى..
وانت عامل ايه دلوقتى؟؟
فكرتينى باللمبى؟
اهو انا عايش..والحمد لله
عايش ومش عايش؟
عايش..ومش حايس؟
يموت الزمار وصباعه بيلعب؟
وعمر الشقى بقى..
ما انا طول عمرى شقيان..
ايه الحلو فحياتى يا حياتى..؟
باقضيها سنين عمرى فى قلق
فى توتر يمكن...
لكن متماسك..
عارفه..
يظهر مكتوب على من ساعة ما اتولدت كده؟
وما احبش اشتكى الآمى لحد...
لحد فاق الحد...
انحرمت من كلمة جدو
طيب انا راضى يقولولى ياستو؟
كلمة بابا حنينة
ومنين اجيب عيالى واقولهم..
عايش ومش عايش
ومش عاوز اغمكم؟
دى كفاية جراحى باحسها لوحدى
والله يرحمك يا ابا؟
=====================