يابت ..شغللى مخك..دى مصر يابتاعة انتى؟؟
=-=-=-=-=-=-
عارفة...؟
لما بأقعد لوحدى...وانا قاعد طبيعى؟؟
دايمآ بافكر فيكى؟
أقول ليه ياربى..ماعرفتهاش من زمان؟
يمكن كنت غلطان لما كنت سايبك وما اكلمكيش
يمكن كنت عاوز اعرفك اوى
بس كانت حاجات كتيرة بتشغلنى..بتمنعنى..مش عارف؟؟
فإنتى يابت انتى انسانة جذابة..وحلوة اوى
وانا خلاص كبرت على الحلاوة دى؟
دماغك حلوة ومتكلفة....
افكارك كتير بتعجبنى
لكن فيه حاجات كده بتعمليها
بتخلينى ارجع واقول ياض ماتضيعش وقتك وتنشغل؟
عارفة يا اسمك ايه النهاردة؟؟
انا كبير اه
بس بافهم كويس والنبى
ومش بأف؟
يمكن السنين اللى فاتت
ماكنتش فاضى ليكى
كان ورايا حاجات اهم منك
ومن اللى خلفوكى؟؟
عاوز أأولك لو سمحتى...
حبى واهتمامى ودمى وقلبى وعنيا وكل جوارحى وفهمى ومناااايا كان فى اهتمام واحد بس؟
ومازلت اعشقها لغاية ما اشوفها واقفة على رجليها..يا اسمك ايه انتى؟
مش حاقولك بلادى وابصر ايه
والا الهوا اللى منها
ولا نسمة الصباح
والا الارتياح
والا الاجتياح؟
هى حاجة بسيطة ممكن افهمهالك؟
لما تكونى بتعشقى حاجة..وتحبيها
بتحسى ان النشوة بتسرى فى عروقك
وتلاقيكى اتنفضتى لما حتى تسمعى اسمها
هى غالية ودمع العين
هى الام اللى خلفت
هى الاخت اللى بتحن ..ولو انى ماليش اخوات بنات..
هى الشجرة المثمرة
هى الروح اللى لما بتزهق
اميل ليها واحبها اكتر..
هى الامل
هى الشجون والحب واكتر
هى الوفا
والدفا
هى الولاء احنا ليها بنفتديها
هى القلب اللى لما بتعانى بنبكى ونعيط بحرقة
مش عارف اوصفهالك
طبعا انتى عرفتى يابت انا باتكلم عن مين؟
وبلاش غباوة وافهمى بقا؟؟؟؟؟؟؟؟؟؟؟؟؟؟؟؟
=-=-=-=-=--
م/علاء بيومى
محمد علاء الدين السيد
17 ابريل2014م
القاهرة
مصر العظيمة واعظم بلد فى الكووووون
الثلاثاء فبراير 23, 2016 6:15 am من طرف احمد رضا الارناؤوطى