يجعله عامر..ياسى محسسسسسسسسسسسسسسسسن؟؟
=-=-=-=-=-
القلب..ياما اشتكى...
لما مايلاقيش شهامة ولا نخوة ولا حتى وفاء..من ياخسارة المصريين
هما بجد هما مصريين..والا فى البطاقة وبس؟؟
الرجولة ماتت معظمها
كمعنى وليست بالبدن..
وكمان النخوة..إختفت..زى ما تكون القطة بلعتها؟؟
اما الوفا
بقى نادر الوجود،حتى اسألوا ايمن والا عبد المقصود؟؟
الاخ بيبيع اخوه عشان واحد قلوظه
وقاله كلام فارغ
ده يبقى عقله هرم وفارغ
الاصول بقت مشاع
بقيت مش عارف بنت السباك وربايتها..
والا ابن وكيل وزارة ..واصالته
فين ياناس النخوة خفتوها عن عيون البقر
والبقر بيبص لكم ويقولكم يا اولاد العم؟؟
والشهامه دلوقتى تلاقى واحد بينضرب بسكينة
وانت فى سكينة؟
راحت فين نخوتك وشهامتك
والا برضوا بتخاف زى اللى قبلينا؟؟
والبت بتبجح فى ابوها اللى مخلفها
ده والنبى مش اسمه قلة ادب ورباية؟؟
وتلبس محزق وملزق
بس ييجوا ايه دول من ايامنا احنا بالجمال والعقل كانوا..
محجبة والا غير
الرك على البيت هو اللى بيراقب
والنبى كان ايه ..نفع روحه
وبتيجى يا اخ فى البيت
مسمينك كيس جوافه؟
يعنى مافيش غير الجوافه دى؟
مايسموك كيس مانجه والا الاستاذ عجه والا عنب؟؟
بصوا
مش حنقدر ندوس على زرار الكترونى
ونقول ارجعى يانخوة..وعاوزين نشوف عنترة؟
والا الوفا حيرجع تانى
ده احنا بنجيب للأسف ورا؟؟
اه يانى يامرارى؟؟
وحياتك حضر ياحسين واحدة نضيفة
اسحبها وبخها على شوية المصريين دول
هما عايزين واحد زى احمس
والا رمسيس والا حتى ناصر
ويجعله عامر يا سى محسسسسسسسسسسسسسسسسسسسسن؟؟؟
=-=-=-=-=-
مهندس /علاء بيومى الشاعر الغنائى
14 ابريل 2014م
القاهرة
مصر للأسف ..والموضوع للناس اللى عندها نخوة وشهامة ووفاااااااااااااااااااااااااااا
الثلاثاء فبراير 23, 2016 6:15 am من طرف احمد رضا الارناؤوطى