عشته..وكان يوم من عمرى..حلو وبس؟؟؟
=-=-=-=-=--
عارفة يا اوكرانية...........
كنت عاوز اكلمك بالعربى..والنبى عربى
لكن احساسك طغى على كلامك..ووصلتى لقلبى وحياتك..
واحدة اجنبية بتكلمنى انجليش..
حسيتى بيا
بتكلمينى برمش عينيكى
بتبصيللى كإنى اعجوبة؟
رغم انى غلبان..
وفيا بلاوى الدنيا مطلعة على جتتى البلا
وانا وانا باسمعلك خدتينى
لفوق فى السما
وجعلتينى احس انى لسه مرغوب
وان ما افعله من حب للحياه مارحش هدر
ذبت فى شفاكى الوردية غراما لا يحسه الا الفاهم والحب يكسيه
من راسه لساسه..؟
عارفه خلتينى احس ان النهاردة يوم احلى يوم فى حياتى مر
وانا طول عمرى بادوق المر؟؟
مش عارف كل ما اكلم واحدة مصرية
باحس بنبرة التحدى بكلامها
والله ما باعمل ليها حاجة
مع انى رقيق زى ما قالوا عنى هههههههههههه
عارفه..
حسيتك اجمل مخلوقات الله من النساء
وانتى كذلك
واتمنى ارجع تانى وتالت وعاشر......
عشان اشوفك واقعد معاكى
لانك ملكتى هوايا اوى
واقعدى بالعافية بقى
لاحسن ورايا حاجات كتيرة
اصبها هنا لاحسن الناس تنسانى
ومين عارف
يمكن دى آخر مرة استمتع بيوم زى كده
دى اكيد جدتى دعت لى ..اصلها كانت ست طيبة اوى
الحاجه عزيزة حسن مصطفى حفيدة الباشا
وانتى ماتعرفهمشى..
وسلام يا انيتااااااا
=-=-=-=-=-=
الشاعر الغنائى مهندس كهربا اتصلات /علاء بيومى
دهب وشرم الشيخ/البحر الاحمر/سيناء الحبيبة
12 ابريل 2014م
مصر اااالعروبة
الثلاثاء فبراير 23, 2016 6:15 am من طرف احمد رضا الارناؤوطى