أراء حرة..ولنأخذ المواضيع بجد وحزم شوية ياناس؟؟ والحمااااااااااااااااااااار؟
=-=-=-=-=-=-=--
المهندس/ محلب: اعرف انك رجل جاد..وتجيئ بظروف زى الزفت تمر بها بلادنا..ولكن انت رئيس الوزرا..ومن حقك ان تضم من تراه مناسبا لمصر بالمرحلة الحالية...وعيب وكفاية اوى كده على تواجد وزير الداخلية...وكأن الوزارة بها محمد ابراهيم وزير الاخوان فقط وما فيش حد فيها غيره..ارحمنا يا راجل نريد دما جديدا..بس ماتجبوش زى زكى بدر ولا حبيب العالدلى...وتأكد ساعتها ان الامن بمصر سيصبح مستتب،وكله حيبقى تمام..المهم الحسم يامحلب..وساعتها مش حتشوف كلب ارهابى ولا حنشوف قتل لميادة تانى...ولا قتل للعميد طارق المعداوى من جديد..المهم انه يكون معاك رجالة توقف الحيوانات دى عند حدها..هو انت لمؤاخذة ليه خايف من شوية خرفان..دول اغبيا يامحلب...أه..قبل ما انسى...ياترى انت سافرت بعد المصيبة السودا اللى حصلت فى اسوان انت ومحمد ابراهيم..وذلك بعد 48ساعة ..وطناش المحافظ ومدير الامن هناك..انتوا بقى عملتوا ايه؟ شلتوا مدير الامن...مش كده؟ طيب ليه مشلتش وزير الداخلية محمد ابراهيم...والا انت ياروحى خايف منه؟
اهو قتيل امبارح كمان يا محلب فى اسوان فى اشتباكات العيلتين..ياترى ايه كان سبب الزيارة والنتائج..والا الكركديه والقرفة هناك ،كان ليها فعل السحر معاكوا؟؟؟؟
=-=-=-=-
المهندس/وزير الكهرباء:انت مش عارف ان الشعب كله المصرى الصميم بيكرهك ليه؟؟ ان انت حاسس..لما تقول ان الصيف جاى وربنا مايوريك بلاوى الصيف؟ونتوقع صيف ساخن جدا...طيب انت قاعد ليه يا باشمهندس؟ لما الكهرباء بتنقطع كل يوم مش اقل من ساعة عندنا هنا فى المنيل..طيب لنقص الوقود والسولار والبنزين لمحولات الديزل بمحطات الكهربا...الكهربا بتنقطع اكتر من ايام الكلاب الاخوان ومرسى البغل؟ ونعرف انه حرامى ولص وكداب وملاوع...وكان عامل الوقود بتاعنا مرتع لحماس الفلسطينية القذرة بتعليمات من اوباما الكلب وامريكا..عشان مايفتحوش صواريخهم على شمال اسرائيل القذرة الملعونه؟
فيه حاجة يا هندسة...ما ابقاش اقول للكابتن ابراهيم حجازى فى تليفزيون النهار..اللى حضر العفريت يصرفه..وحضرتك ما تكملش..وتستغنى عن البنزين والسولار وتمشى المولدات بالماء والطاقة الشمسية وما كتر من الشمس فى بلدنا ياجنتل؟ انت امبارح حرقت لى موتور ديب فريزر وحياة ماما؟
مين اللى حيدفع مصاريف الاستبدال..غيرى طبعا وانا معاشى لا يتعدى 1700ج بمعاش نقابة المهندسين..وانا مهندس زيك؟ والمفروض انى ارفع عليك قضية افساد الموتور وحرقه ؟ لكن انت عارف العملية مش ناقصة..ومافيش عندى وقت للمحاكم ياروحى؟؟
=-=-=-=-=-
السادة اهل اسوان الكرام: اللى بيحصل عندكم ده منتهى الاسى..لا داخلية ولا خارجية حتحل الازمة..اما ان تكونوا رجال وتحلوا المسألة..والا فلنقل على السد العالى يا رحمن يارحيم...وعلى فكرة سنة1984 انا مركب فيه جهاز ..ونزلت بالاسانسير 10 ادوار بالسد..وعيب اوى بلد اتولد فيها..عباس العقاد الكاتب العملاق وتحصل فيها المهازل دى..احنا فى القاهرة مش ناقصين يازوول انت وهو..وهى؟؟
=-=-=-=--
شعب بلادى الحبيبة مصر: مش معقول بعد ده كله..نتابع الحيوان باسم يوسف..اصله بيضحكنا هههههههه...ضحكت عليكوا نفسكوا ياللى بتتابعوا المهرج الخاين الافاق ده...عيب وخليكوا مصريين بجد..وقاطعوا هذا الرعديد السافل...وعودوا مصريين بجد ذوى النخوة اللى كانت موجوده وللاسف واخده تعسيله شوية؟؟
إن لم تؤيد السيسى لتولى مقاليد حكم مصر وهو بطل...فمن ستختار ياترى..حمضين البايظ...النكره الشيوعى..والا حنجيب واحد زى الكلب مرسى وخلاص..؟
فكروا شوية وبلاش لعب عيال..احنا تعبنا من 1981 وحتى اليوم؟
الا آن الوقت حتى نستريح شوية ياناس..
خليكوا كويسين..لأحسن اروح ارمى نفسى من القلعة بحمار المرة دى زى جدى مراد امين الارناؤوطى...والمرة دى لوحصلت...انا حامووت...ويعيش الحمااااااااااااااااااااااااااااااااااااااااااار؟؟
الشاعر الغنائى مهندس/علاء بيومى
جزيرة الروضة/المنيل
القاهرة
7 ابريل2014م
مصر العربية الاصيلة دايما وحتبقى اصيلة على طول