السيد/محمد ابراهيم صاحب طابونة الداخلية وشركاه..عاوز اقوللك كلمتين؟؟
=-=-=-=--0--=-=--
اللى فاكر نفسه ذكى....مايبقاش ذكى..إلا لما الناس تشوفه وتحكم عليه...؟
واللى فاكر نفسه غبى....تصرفاته الغبية بتبان وبرضوا الناس هى اللى بتحكم عليه؟
اوعى تفكر يامحمد..ان شعب مصر بذكائه..بيوم من الايام ..اصبح غبيآ..؟
لو اعتقدت ان شعبنا الطيب بمصر ..غبى..يبقى انت اغبى..وما بتفهمش طبيعة المصريين...؟
شعب مصر ..باقول مصر...مش الرعاع الارهابيين والجواميس زى سى زفت مرسى وشركاه...صابر عليك
وعلى تصرفاتك وبلاويك...تجاه مايحدث من إرهاب انت مطنشه..وجبت آخرك..وليس لك عذر ابدا..ولو قلت..عذر..حيبقى عذر اقبح من ذنب؟؟
انت كنت وزير داخلية الخرفان..وكنت بتقتل الشباب المصرى اللى كان بيقاومهم..فاكر كوبرى قصر النيل..فاكر فندق سميراميس..فاكر حمايتك البايظة للسفارة الامريكية والانجليزية والسورية...؟
فاكر المسيحين ..اللى اديت تعليمالتك وبصمتك بقتلهم داخل الكاتدرائية وهى تعج بالعباسية ب2000مسيحى..كانوا بينضربم من حازم صلاح ابو فلايط وانت معاهم بتقتلهم...ماعلينا............
عايزك تعرف..ان الشرطة ..مازالت كهيئة احبها وابجلها لمواقفها الكثيرة الجميلة والحساسة بمصر..
عايزك تعرف...انى كنت اقضى معظم الوقت زمان بمكتب وزير الداخلية..مع اصدقائى بجد..يعنى رجاله..
وكنت ادخلها..كأنى ادخل بيتى التالت..والتانى كان مطار القاهرة بحكم عملى 31 سنة...
لما دلوقتى..الاقى الشرطة بتنضرب وبيتقتل منها افضل البشر بأعمالهم واخلاقهم وجهادهم وحبهم لمصر..يبقى انت السبب يامحمد؟؟
لما الاقيك..وزير داخلية الخرفان المخربين ومرسى الكلب...ثم وزير داخلية الببلاوى العفن..وبعدين مع م/محلب..يبقى فيه حاجه غلط اكيد؟؟
بص يا ابن الناس...فى بلدنا مصر...الناس بتصدق اللى صادق بتصرفاته..ومابتصدقش الكداب والملاوع وبتاع مصطفى النحاس..والنت فاهم كويس؟؟
اوعى تفتكر ان شعب مصر غبى؟؟
اوعى تعاملنا من هذا المنطلق...احنا بس ساكتين لما نعرف آخرتها ايه؟؟
سودا على دماغنا وعليك..والا بيضا زى القشدة؟؟
عمالين تطلعوا قرارات من امبارح..طيب كنتم فين لما مرضنا واكتأبنا من ناس ولا التتار ولا هولاكوا...بيقتلونا وانتم قاعدين تتفرجوا...
الكرسى بقى واسع عليك اوى...وريحتك فاحت من زمان..حتى من ايام حمادة هيما..؟
هو الداخلية مافيهاش راجل غيرك؟؟
لالا كلها رجالة وسيبينك تعك براحتك؟؟
والارهابيين بيقلوظوك...وبيقتلونا..ومش عارف تعمل حاجه؟
بيقولوا الارهابيين امبارح كسروا الكاميرات بتاعة كلية الهندسة جامعة القاهرة..قبل ما يقوموا بالتفجيرات التلاته ولاد التيت..عشان ما يظهروش ويتهرشوا.ويقتلوا فينا ويطل.........ويروعونا ويقتلونا..ما اللى مات ده مصرى صميم زينا وراجل العميد /طارق المرجاوى الله يرحمه...
ايها القابض على امن مصر..صاحب طابونة الداخلية وشركاه..فيه حاجه اسمها كاميرات ما بتتشفش..يعنى مش باينة للعيان..مش يضحكوا عليك الاغبياء ويحطموها قبل ما يعملوا عمايلهم الدنيئة..عامله زى واحد بيطلعلك لسانه..وبيقولك خليها تاكلك؟؟
عيب اوى واحنا ناس مصريين وناخد على قفانا..
وياترى حتنفذوا كلامكم المرة دى..بالنسبة للمظاهرات وعلامات زفت الا شارة رابعة..وحتضربوا فى المليان..والا كلام وطحينة وخلاص؟
نفسى مر ة قبل ما اموت والا يتقبض عليا..وانا مصرى صميم..الاقى فى كلامكم رجولة ونخوة مصرية بجد؟؟
اتمنى انك تفسح لغيرك المجال..فأكيد له حلول احسن منك لاحتواء الملف الامنى بالكامل بكل نزاهة وشرف..ومصرية صميمة....ياسى محمد؟؟؟
=-=-=-=-
م/علاء بيومى
3/4/2014م
القاهرة
مصر العربية..وستظل مصر فوق الجميع ان شاء الله ياقومندان؟؟