أه يادنيا..مال امك انتى.....؟
---------------------
مالك يادنيا..ليه مغلبانا...؟
عماله ترقصينا..
بتجيبينا يمين مرة
ومرة شمال
ماتخليكى فى النص احسن..
حيرتينى يادنيا
عاوزة ايه مننا؟؟
بنخلصلك..تعاندى
نبعد عنك..تشتهينا
هو فيه ايه يا ختى..؟
لازم الواحد يمشى
تحت امرك
انا لالالا؟
هو انتى لما تقولى وتعملى
عاوزة كلامك يتسمع
ليه
وبأمارة ايه يادنيا
قلبتينى بالعربية
وكنتى حتموتينى
كان ليكى دور كبير فى تغيير احاسيسى
طلقتينى من مراتى الاولى..بالمحاكم
طيب انا كان ذنبى ايه ياروح امك؟
ده انتى دنيا
يعنى حقيرة
ماتسويش جناح بعوضة زى ما ربنا قال
فاكرة نفسك كبيرة
ده صاروخ يلمك ويدوشك؟؟
وخليتى مراتى التانيه هجرتنى هى وبنتى
اخدتى ولادى ال3 لربنا صغيرين
هو انا ايه
حيطه صد
وبس
ده انا احساس ومشاعر يا دنيا يا واطيه
ارحمينى بقى
واهجعى
ومصر حبيبتى
ليه مش عاوزه تريحيها
مصر زهقت منك
ومن اللى قاعد فيها
وهايف
وخايف يقول ان الدنيا دنيا
ارحمينا
ابوس جبالك وبحارك
ابعدى عن ايمان ابونا
يادنيا..............
================
الثلاثاء فبراير 23, 2016 6:15 am من طرف احمد رضا الارناؤوطى
