اهداء لروح الشاعر والزجال الوطنى الغيور الرائع الشاعر الكبير الراحل احمد فؤاد نجم يرحمه الله
==========
ليه يادنيا معاندة معانا..
وبكل الوحشين بنشوف ويانا
وشوش مانتش عارف حتورينا
والا حترتاح وتصطاد فينا......
قالوا يا ابا
ويا اما..
انتوا رحتوا فين
وسبتونا
للى يسوى
واللى ما............
الدنيا كانت حلوة وانتوا موجودين..
ليه سيبتونا فى السكة واقفين
ساعات نشوف العرر ماسكين
واللى بيخونوا مش ساكتين..
عاوزين ينخورونا
ده بعينهم
داحنا معانا ربنا حيداوينا
والجيش عامل عمايله
الله يحميهم واللى يناولوا
السيسى الله يحفظه واستنوا استنوا
ربنا حيوريكى يامصر ايام سعد
بس لازم نتكاتف بجد
لان دى بلدنا
عايزانا ولا نقول احنا مالنا
هى بلد امى لوحدى
والا بلدك انت وهى وجدى
اوعوا تفتكروا ان مصر حتبقى قد الدنيا
بسهولة كده
دى عايزانا نبذل العرق والدم على طول المدى
كنتم زمان بتخافوا
ايام زمان وليالى خوفو
ودلوقتى انتوا احرار
حررتكم ثورة التلاتين
ولا تقولى خمسة وعشرين؟؟
ولو قلتلكوا حكاية
صدقوها
مصر ربنا حافظها
على طول الزمان
ولا حيركعها شوية خرفان
وتحيا مصر
على طووووول الزمان.......
=============
الثلاثاء فبراير 23, 2016 6:15 am من طرف احمد رضا الارناؤوطى