الله يجازيكى يا غربة...الله يجازيك يا فرااااق..؟
=-=-=-=-=-=-=-=-==
حياتى كلها كانت متعلقة بيكى.....
يا إما أنولك....ياإما ارمى هوايا فيكى...؟
واتحضر الحال بيا...عاوز اتقدملك يا نور عينيا..
لكن بإيه...ومش بإيديا...؟
أشوفك اصادى..اتعفرت واتجنن...
بس عاوز اضمك..وخايف من امك...
تلاقينى مرة واقف مع صحابى
تشوفينى كتير قاعد عالقهوة..؟
انتى عارفة مابهواهاش..لكن للضرورة احكام على سهوة؟؟
وعارفه اد ايه انا بحبك وانتى كمان..
وسافرت ..اعمل قرشين..
يمكن اجييكى متعبى وساعتها اتقدم واقول لأهلى بعدين؟؟
عارفة الانتحار...؟
اهى دى كانت غربتى؟؟
عارفة الانكسار...
كان بختى واسمتى؟؟
وحاولت كتير اشتغل..
كله يقولك..عايزين عقد عمل؟؟
يكونشى معمولى عمل؟؟
ما كل صحابى اشتغلوا..
ليه ما اعرفش انا؟؟
مانابنى غير السفر واجرة الطيارة وشوية خلجات..لزووم المنظرة؟
اللى يقوللى معاك ايه؟
اقوله دبلوم صنايع قسم برادة؟؟
يقوللى مايلزمناش ياشيخ يا صاحب السعادة؟
واللى يسألنى انت خلصت جيش؟؟
اقوله مأجل..اصل انا وحيد..وابويا متجوز ومنتظر العوض..
لحد مالقيت وظيفة
عامل مجارى تحت الارض
وسط اللى بالى بالك..؟
قلت انا اخلص من القرف فى مصر..الاقى البلاعات هنا كتيرة؟؟
طب وبعدين يا بهانه
وتتصرف كيف يا عبد الحميد؟؟
شفت اسود سنة فى حياتى ازفت من قرن الخروب؟؟
جمعتللى ارشين..
الواحد زهق..
منعول ابو دى غربة عن اهله وناسه
الله يجازيك يافراق..زى ماقال فناننا محرم فؤاد؟؟
ولما جيتلك وانا مستحمى..
ماكنتش عارف انك..اتخطبتى والا اتخبطى فى نافوخك؟
واحد سبقنى واتقدم...ماانتى عارفه انى شغال فى الخرا؟؟
ليه ياربى من ناحيتين؟
امال انا كنت باتغرب ليه وعشان مين؟
مش عشانك يازبالة البنى ادمين؟
اتلهيت انا بالدبلتين والغوشتين؟
ال..وكنت فرحان..وباعد اليوم اللى انزل فيه مصر الحلوة؟؟
والله غمتينى ياشيخة؟؟
وانا متنيل مسافر تانى
لا حاشوف وشك..
ولا حتى انتى راح تشوفينى...................................................
م/علاء بيومى
16مارس2014م
الزاوية الحمرا
القاهرة
مصر
وياخسارة غربتى..واهلا بالفراق...