يوميات مواطن مصرى 85...والأحلام البسيطة؟
=-=-=-=-=-=-
أمس الجمعة...كان يومآ غريبآ أحداثه......؟
ظلت الكهرباء موجودة تؤنسنا..طوال اليوم بالمنطقة والبيت وشقتى اللى غرقت من يومين..بسبب الرعونة والتوهان الذى سببه انقطاعها والمياه..الله يخرب بيوتهم..هما عارفين نفسهم..والحمد لله...
ونمت..وحلمت بأنى كنت بالأسكندرية ...بكورنيشها الجميل..الذى لطالما رأيت جمال عبد الناصر..ومعه اصدقاء مصر..معه بالسيارة المكشوفه..وكانوا يطلبون منا الصعود من البحر لتحية الرئيس وضيوفه...عينى عينك كده..مش بمزاجنا والله وكنا عيال..نطلع نصفق ونهلل ونزغرد..ايه المانع يعنى؟؟
قامة ممشوقة..طويل ...سمار بحلاوة...احمر الوجه..بالسمار الصعيدى الجميل..بشوش..هذه كانت هيئة الزعيم الخالد...الله يرحمه....
وحلمت وحلمت..
بسيدتين اسكندرانية..جمال جدا...سمراوتين قليلا..وكان دمهم زى العسل...سألتهن..هو الكوريش منين...لاحسن تايه فى الاسكندرية وانا قاهرى...ارادا التعرف...على ايه ياخويا...كانوا جم من زمان..يعنى من 10سنين كده..
ما علينا..
ارشدانى...
وقالا خد بالك ..ماتمشيش على الكورنيش كتير...
حتلاقى عند جامع سيدى المرسى ابو العباس...شيالله يا ابو العباس...يمكن الخرفان يطلعوا؟
قلتلهم ..الله؟
هو انتوا زينا..
الحكومة..عندنا فى القاهرة..بتطرمخ عليهم ومابتقبضش عليهم..زى ماتكون خايفة من ابوهم؟؟
دول لسه اول امبارح..كل ده فى الحلم-قاطعين الطريق فى الدائرى نزلة المريوطية..كاوتش مولع ..وسنج..وبنادق...وقطعوا على صديقى واسرته طارق سلام..كإن وزير الداخلية والقيادات اسم الله..مش واخده بالها؟؟ عيب والله ..عيب اوى؟؟؟؟؟
ماعلينا صحيت ونزلت المنيل..ومشيت لحد ميدان الباشا..وانتشار رجال الامن...والمرور..ايه النضافة دى..ومافيش صف تانى ولو حاول حد يستعبط..بينبهه امناء الشرطة...
قلت اه..
ما السيد محمد ابراهيم..والسيد المهندس محلب..خدوا شقتين اول المنيل بعد كنتاكى..على اليمين وانت داخل عندنا فى الشارع..اواد الامين بيقوللى مين قالك؟؟ مردتش اقوله ..قلتله عرفت وخلاص...
اتارى المنيل نضف
والشجر اتقلم..
والقذارة اتشالت...وحملات نضافه ترحيبا بوجود روس كبيرة زى دى...بس يعملوا بيها؟؟
رجعت على الترزى...ومنه وانا ماشى ولسه باقول الحمد لله...اتقطعت الكهربا...هههههههه
طبعا بتقعد ساعة مقطوعة ..الله يعمر بيت السد العالى...والكهربا اللى جايه منه؟؟
قعدت ساعة فى الشارع مع جوز اصحاب من العطارين اولاد عطار عم حسن الله يرحمه..محمد ومحمود..وقعدنا نتكلم فى الفن وطلي وسيد سليمان وكارم محمود..وتحية كاريوكا ومحرم فؤاد..
ومرت الساعة وطلعت...
=-=-=-=-=-
دايما كانت احلامى بسيطة
اكون اسرة
انجب ولاد وبنات
اتجوز مرة واحدة
ينالنا الستر والصحة
لم اطمع يوما فى مال
والا ركوب طيارات لشرم بالقسط وقتها..
وان يسبونى فى حال امى؟؟
وماحدش يعكنن عليا
لانى ممكن ارد بأفظع السباب والنبى؟
وموتى وسمى ظلم غلابه؟؟
لان كلنا غلابه؟؟
جيت لاقيت جيرانى السعوديين..زاد عليهم اتنين ستات فى منتهى الادب الجم؟؟
تعرفت عليهن..
وتركتهن..
وفتحت الفيس متأخر اوى..
لاقيت صديقتى الاستاذة فريدة..كاتبة عيانه وبامووت؟؟
زعلت جدا عليها
وتمنيت الشفاء العاجل لهذه المحامية الشابة..الخلوقة صديقتى
..اصل انا مااعرفش غير المؤدبين..الذوق والرقة..
سوسن ربيع...ناهد امين..المطرب الخلوق ابراهيم عبد القادر
م.منير زغلول...حنان..منى مشمش الاسكندرانية الجدعه..ايوه ه ه ه ه ...ههههههههههه
النهر الخالد..دودى..ومحمد رمضان بالسعودية نيزار بتونس الخضراء وكثيرين محترمين..بنتى حبيبتى لولو....
اه نسيت...يااخى الواحد يظهر كبر...هههههههههههه
فتحت التليفزيون بتاع 6 العصر لاقيت لطيفة التونسية ومعها المايسترو..فى سيناء فى موقع شق قناة السوس التانية والاسماعيلية والشعب بيغنى وبيحتفل ..صورت وانا ابكى من الاغانى والفرحة...
بتغنى لمصر هذه الاصيلة الخلوقة لطيفة وهى لطيفة..
واول مرة افرح بعد ما الريس شق الرجالة القناة الثانية فى اليوم التاريخى..
واقعدوا بالعافية...
م/علاء بيومى
23/8/2014م
منيل الروضة
القاهرة//مصر
6ص
الثلاثاء فبراير 23, 2016 6:15 am من طرف احمد رضا الارناؤوطى