ذكريات 4...والسياسة معى؟؟
=-=-=-=-=-=-=
كان من اسعد أيامى عندما مر امامى مباشرة موكب الرئيس والزعيم الخالد / جمال عبد الناصر...بميدان الروضة بالمنيل..ومرتين بكورنيش الاسكندرية..مع الزعيم الراحل العراقى/الرئيس عبد السلام عارف..حين كان بزيارة لمصرنا الغالية....
وعندما شببت قليلا..وكنت بالثانوية العامة عام 1969..قابلت الرئيس ولعبت معه دور شطرنج..الرئيس الراحل/اللواء محمد نجيب الخلوق واول من تولى الرياسة لمصر الحكومية بعد ثورة 23 يوليو52..وكم كان بشوشا رائعا عطوفا محبا لكل البشر ذو ذكاء نفاذ..وروح دعابة وجاد بتصرفاته فهو رجل عسكرى حتى وان اصبح سنه 100سنه؟؟
وذلك بمنزل شقيقه اللواء/على نجيب...بالروضة بالمنيل القاهرة..رحمة الله عليهما....
وعندما ادركت حقيقة مصر والمصريين...ادركت وقتها ان حزب الوفد اصلح الاحزاب على الساحة فإنضممت اليه...وكتبت بالصفحة الاولى بالجريدة مع انى لست صحفيا وانما هى بعض السطور بالصفحة الاولى انتقد اوضاع البلد..وقتها..ايام حسنى مبارك الاولى...وكنت اوقع باسمى الرسمى...محمد علاء الدين....
وطلبت من صديقى الغالى الصحفى الراحل الغالى..مصطفى شردى بالمقر الوفدى القديم بجاردن سيتى ان ادخل للسلام على فؤاد باشا سراج الدين..رئيس الحزب ووزير الداخلية ايام حريق القاهرة ومعركة الاسماعيلية بين شرطة المديرية والانجليز...25يناير ...ودخلت وقابلنى ببشاشة والزبيبة بوجههة الضخم وجسده الاضخم والخاتم بصباعه الخنصر المعروف وسيجاره الذى لا يفارق شفتاه ابدا..فارقه بعد ان توفى؟؟؟
وعرفته بنفسى..انا المهندس/علاء بيومى يا افندم عضو الوفد واتشرف..وخال والدتى صادق بك حسن سكرتير حزب الوفد عن السبتية ياباشا وياما النحاس باشا رحمة الله عليه..كان بيجينا البيت ويعزمه خالى...حفيد مراد باشا امين الارناؤوطى الفارس الطائر..بزمن محمد على باشا قفز بالحصان ومات الحصان ومر جدى الى بولاق وحماه اهلها الطيبين..ثم تزوج جدتى فوزية هانم العليمى وعمل بالتجارة وبنى مسجدا ازالته الدولة كتر خيرها؟؟؟
رحب بى فؤاد باشا قائلا...صادق بك حسن ..بيه رسمى مش اونطه..ده كان حبيبى الله يرحمه؟؟
قبلها..قبل ان ادخل لفؤاد باشا..اجلسنى مصطفى شردى صديقى البورسعيدى وابو الاستاذ/محمد شردى الصحفى القدير الان...بعد والده العملاق المحب لبلده ومصر كلهاااااااا...؟
دخلت مكتبه...فهالنى شاب صغير متقوقع بالحجرة..نظر الى بعد ان رقعته السلام التمام..وقاللى مباشرة...انا اثغر واحد اتمثك بالمزاهرات وكان عندى ثتة اشر ثنة؟؟
قلت له...تيب....هههههههههههه؟
وخرجت وسألت مصطفى بيك..مين اللى فى مكتبك ده..؟
قاللى ده واحد بيحب يقعد عندنا يلقط خبر طكده والا كده..اسمه..ايمن نووووور؟؟؟؟
وايه وايه وايه....يادنيا...
نلتقى لابعد الفاصل...بحلقة جديدة
وااعدوا بالعافية؟
والسلام
م/علاء بيومى
1 اغسطس2014م
القاهرة
مصر العظيمة بأبناءها دوما الشرفاء
الثلاثاء فبراير 23, 2016 6:15 am من طرف احمد رضا الارناؤوطى