ألا أيها النهر الخااااااااااااااااااااااااااالد...وبعدين معاك ياض؟؟؟

ألا أيها النهر الخااااااااااااااااااااااااااالد...وبعدين معاك ياض؟؟؟
=-=-=-=-=-=-
ما أعرفش..
هو عشان انا ساكن جانبك!
يبقى حطبطب عليك..وادلع؟؟
يا نونو...وده دلعك من زمان؟
يا واد يانونو...
مش عارف اقولك ايه؟
والا اعمل تانى فيك ايه؟
مش كفاية ان الناس بتحبك وما بتحترمكشى لغاية دلوقتى؟؟
لسه بيتبولوا فيك وبيتبرزوا..
وبيرموا ميتينهم من الخرفان والبقر...
واحنا قاعدين هههههههه؟
عارف ياض يا نهر انت مقدس
واحد انهار الجنة بيقولوا
وعشان كده احنا بنهببك وبنتبول فيك عشام مقدس اوى؟؟
يانهرنا..الغالى
ريحتك طلعت..
والناس على كده بتشفطك؟
عارف لو كنت وريتهم الطينة الحمرا
والا فى سنة انخفضت وسقطت...؟
كانت الناس فى مصر
حتجيب ورا؟؟
وممكن كمان تعطش وتترمى؟؟
عاوزك فى يوم دكر..
اصل الحكومة مش فاضية لأهلك..
وحتى لو نشفت
يقولولك..
ربنا يخلى مية فيشى ..والمنرال...والمعدنية....
مش باقولك انت اتهزيت....
ومركزك فى السوق بقى ضعيف؟؟
كنت اتشطر على اى خروف
وغرق ديك ابوه وشربه زفت لأخرة والنبى؟؟
يانهر كنت عاوزك تنتفض...
وتعمل ثورة انت كمان..
ده انت من بدء الخليقة
والا دى دعاية للرؤوس الحليقة
يا ايها النهر الخالد
اللى انشدك عبد الوهاب
وحب على كورنيشك
تلاتة اربع الحبيبة زمان
ايام ماكان فيه حب صادق بجد
مش شوية حبيبة معفنين
ماتاخدش منهم دلوقتى غير الهجر والخيانة
وولاده بيقولوا يعنى حاسيب ماما وحدها
يقوموا خالعين
بالسلامة يا عنيا
ايها النهر الخالد الغريق والنبى..؟
وسلملى على عرايس البحر..
وعلى الناس اللى غرقت فيك
هى واتوبيساتها والتروللى باس زمان
وكل اللى اتهرس وانبرى
ايها النهر العظيم...
وباقولك ماتزعلشى
انا باهزر معاك
وانت عارف...
بس كنت باغير طعم طميك وغريانك
يا من وهبتنا مصر
وعن مصر بقلوبنا احنا بندافع
يا نهرنا العظيم
ياااااااااااااااااااااااااااانهر النيل المقدس اكيد؟؟
علاء بيومى