سيدى الرئيس عبد الفتاح السيسى

سيدى الرئيس عبد الفتاح السيسى
مبرووك بأقولهالك والشعب المصرى كله وكل الناس اللى بتحبك
عاوزين منك تاخد نفسك شوية...وربنا يسعد اوقاتك وقلبك..
وعاوز منك ياريس شوية حاجات...
اولا...انت رئيسنا كلنا وعلى راسنا وعينا...
ثانيا...الغلابة ياريس محتاجين منك اول نظرة والنبى..
ثالثا...حاول تقعد مع الشباب كتير وتفهمهم ..وتقربهم ليك وتفرحهم..
رابعا..ياريت تحاول تشغلهم ومش عاوزين واحد منهم عاطل يوجعنا كلنا..
خامسا..الكراسى ياما بتغير..وانت كنت وزير دفاع قوى ومحترم..ورئيس مخابرات ماحصلش...
وراجل عسكرى وتوم كروز المصرى سميتك قبل كده..فأكيد انت عمرك مالكرسى ما حيغيرك..
سادسا..موضوع الطاقة بمصر تكون اول اولوياتك ومهمة صعبة مش مستحيلة...وحاول ان تكون مشروعات الطاقة الشمسية والماء..هى السبيل لحياتنا بعد كده...
سابعا...احنا عندنا ثقة كبيرة وربنا يوفقك ياريس..وحاول تنفذ كل وعودك لانك صادق بنحسك كلنا..
ثامنا ..كرامة المصريين كانت اهم حاجه فى حياة جمال عبد الناصر يحققها لينا كلنا...والسادات رجع لينا الكرامة وارضنا...فكن انت من تحافظ على روحنا وكرامتنا كلنا...
تاسعا..ياريت احكام القضاء وانا عارف لا احد يتدخل فيها حتى ولو كنت سيادتك..تتلحلح والشعب عاوز احكام الاعدام على جواسيس دمروا حياتنا وخيانه مالهاش غير الاعدام ياريس...وعاوزين الاحكام واحنا عارفين انك اعصابك هادية ومايهمكش من الخرفان ولا الخنازير...حتى لو الخرفان مأمأت....
عاشرا..انهض بمصر والمصريين معاك كلهم...وياريت كان بإيدى كنت مأتأخرش بس انا كبرت وماشى فى ال63 خلاص كبرت بس مستعد اخدم بلادى بعينى وقلبى وروحى ودمى..
إحدى عشر...سيادة الرئيس المشير/عبد الفتاح السيسى...برجاء من اخيك المصرى..علاء بيومى..ومن الشعب المصرى حبيبك كله وانت حبيبه الوفى...الا تتخذ بجوارك من رئيس وزراء ووزراء ومساعدينك وكل المكتب السياسى الا من يخلص بقلبه وروحه لمصر وليس للكرسى والكراسى زائلة ولا من ينظر الى التكنيز على قلبه وان يكون وفيا وصادقا..كما كنت تفعل بالقوات المسلحة العظيمه..الا من يحس بنبض الشارع المصرى...وياريت تجعل غالبية الناس الغلابة ان يشربوا ماءا نظيفا ونحن ام النيل والا يأكلون من قمامة الزبالة..واطفال الشوارع...وان تنظر الينا كمعاشات..فليس يعقل ان اكون موظفا بالدولة كنت ااخذ 9 الآف جنيه فى الشهر بالمميز والحوافز..والآن اقبض معاشى 1770ج؟؟؟ وابحث سيادتك عمن نهب اموالنا وخصوصا الخاين يوسف بطرس غالى..الذى هرب بمئات الملايين وقبض عليه الانتربول الدولى بفرنسا ولا يسهل ترحيله لمصر..لان لديه الننوس عين امه..حصانه دوليه؟؟ ماهذا العبث؟؟
الف مبروووك وربنا يوفقك ياريس...
=-=-=-
م/علاء بيومى
29مايو2014م
منيل الروضة
القاهرة /مصر
وتحيا مصر ده جروبى اهديهولك بكل ارتياح وانا الادمين له
وتعيشى يا بلادنا تعيشى
والسلام