تحيا مصر-وحكايات الغريب- والشهيد البطل صديقى العقيد طيارحربى/محمود القبانى
=-=-=-=-
يامصر...............انتى غنوة بتنقال..
بتتألف...وتتلحن...ويمكن تتغنى.....ويمكن تتفهم؟؟
يامصر.....انتى وجيعة بقلبى...ومنين اجيب الطبيب..يداويكى؟؟
انتى يامصر ..تعبى وشقايا...وغربتى..
انتى اهلى وناسى....ودنيتى.....
=-=-
انتى يابلادى...مش بلادهم؟؟
والا عشان اتولد فيها ولادهم؟؟
من صغرى..
من صغرى شايل همك....
ومن غيرى حيحس بألمك؟؟؟
وانا كبير بأبكى..بحرقة الدم...
ده لو كان فيه لسه حاجة اسمها دم...
ابكى لما اشوف علمك بينداس من مصريين اسما انجاس..
يقولولى ناشط سياسى والا زفت حماس..
الاتنين واحد..
عايزين دايما يمرمغوكى ...
وامريكا الواطية تقف مع الجربانين والغربان
وليه حاسس انى فيكى غريب..
مش انتى بلدى؟؟؟؟
ليه فيكى ناس مصريين وغيرهم عايزين دايما ييأسونى
من ناحيتك؟؟
والله لو فيه ملايين من عينتهم..
عمر مامصر حتنضان...ولا عمرها ما حتركع غير للإله....
وانا...
مايهمنيش تريقتهم
ولا رفضهم ولا غباءهم؟؟
دى بلدى حته منى
وانا وهى..تراب واحد حنين..لكن جامد ضد الغباء والتعنى؟؟
ولما بأقول تحيا مصر
لالالا..ده مش هتاف..لالا
ده احساس جوانا بيدفعنا...
ويخلينا دايما نحبها
وهى بصراحة تتحب
ومين مايحبش بلادى؟؟؟؟
تحيا مصر انا عملتها صفحة على الفايس من زماااان
اه هى بتاعتى..
لكن الصفحة دى بتاعتنا كلنا..
لان دى بلدنا كلنا
ماعدا الخرفان الزبالة
احسن يزوغوا منها
بدل مانكسر رجليهم
وانا عارفهم واحد واحد وواحدة واحدة
بيبان من مرورهم واحساسهم المريض الغبى
تحيا مصر...دى غنوة بتنكتب
تحيا مصر...دى آية بتنحمد...مش كلمتين
وخلاص..نبص عليهم ونمشى
ونقول طيب..
الجدع ده عاوز يقول ايه؟؟
الجدع ده عاوزكم تفوقوا يامصريين
واللى عاوز يشوف مصر فى العلالى
يشتغل بإخلاص
ولا يرشى ويرتشى
يحترم الكبير...وما يزعله
والكبير يحن على اللى اصغر منه ويفسحه؟؟
وانا ساعات باحس انا الغريب
غريب فى بلدى بغربتى معاكم
اه فيه ناس حاسة بالبلد
وناس تقولك ده مخابرات او امن دولة وعاوز يلفنا؟؟
لا والله..
انا لوكده...كنت قبضت عليكم كلكم؟
بلا كتابة اشعار ولا دياولوا
ولا اغانى احس بيها ليكم ...واقرفكم كمااان ههههههههه
انا بس واحد بيحس شوية زيادة عنكم.....
..وما اقدرش انسى حبيبى الطيار حربى..محمود ابن الاسماعيلية
كان من نعم الرجال اللى عرفتهم بحياتى\
خلوق ونسمة وحلو اوى بقلبه الطيب وهيئته
استشهد وهو بيدافع عنكم وعنى..وكان لازم يتقدر ويتشكر
الله يرحمه
ولجنات الخلد مصيره والنبى؟؟
وتحيا......................................مصر بينا كلنا............
=-=-=-=-=-
الشاعر الغنائى مهندس /علاء بيومى
3مايو2014م
منيل الروضة
القاهرة
مصر العربية العظيمة بنا كلنااااااا
الثلاثاء فبراير 23, 2016 6:15 am من طرف احمد رضا الارناؤوطى