غربتى مع نفسى..كانت زمان يا كماننا؟؟

غربتى مع نفسى..كانت زمان يا كماننا؟؟
=-=-=-=-=-
إمبارح...
غير النهارده..
واوعى يازمن تفتكر انى بخاف من حاجه؟
انا بخاف بس من ربنا..لأحسن اغضبه؟؟
كنت زمان تايهه بغربتى مع روحى..ياروحى
ما كنتش عارف انا مين
وعاوز ايه؟
كانت حياتى بتتهيألى وردية
صحيت يوم ما لقيتش الغطا تحتيا
لقيت روحى هايمه..
بس كان عندى مبدأ
انى اصارح نفسى واعريها...
ويمكن كمان احميها بالدش وارويها..
واتصالح مع روحى لو غابت عنى..
واعرف انا رايح فين
وجى منين؟
حاولت اعمل اسرة وفشلت؟
مش معنى كده انتحار
ماحدش فهمنى حتى لو فاتت على العشرة عشرين سنة من الخداع والكدب
قلت بلادى اولى انى ارعاها
واقف وياها
ماهى طبعا امى
منشأى وهوايا
خليت تصالحى معاها احسن
اصلى عاوزها تكون احلى واحدة فى الدنيا
ماهى فى عنينا كده
انا كنت عاوز ومازلت
تكون احلى فى عيون الدنيا كمان
قلت نكافح وندى
ندى كتير لغاية مانعدى
بقلب وضمير مش كلام رنان
مش لجان وتهبيش
مش حرايق على مافيش
مش ارهاب ما بنخبيش
نقاومه ونقتله
دى بلدنا اغلى من ضى العين لو تعرفوا
واستنوا استنوا والنبى ماتقفلوا
مصر عاوزه مننا الكفاح بجد
مش كل واحد يقولك وانا مالى
ومطرح ماترسى دقلها
لا الكلام ده كلام فاضى
وانا اتغيرت واتصالحت مع روحى
ياريت كل واحد يتصالح
حيلاقى بكرة
احلى واغلى من امبارح؟؟
=-=-=-=-=-=-
م/علاء بيومى
3مارس2014م
من قلب اسرائيل
حيفا