احمد رضا الارناؤوطى
عدد المساهمات : 920
تاريخ التسجيل : 28/01/2012
 | موضوع: نكت حديثة وقديمة  الأربعاء فبراير 22, 2012 4:16 am | |
| دوي تزوج بدوية اشترطت كتب الخيمة بإسمها
فرخة اتجوزت فيل ..جابوا تـشكـِن فيليه
صاحب شركة كادليز دخل فى قضيه خرجوه بكافوله
مرة فار سكران على الاخر شافة قط جعان قعد يجرى وراة فعدت عربية بسرعة
فرمت القط.. والفار اغمى علية ولما فاق وشاف القط مفروم قال (يووة هو انا كل ما اسكر اعملى مصيبة)
واحد سباك نفسه اتسدت غرقت الشقة
واحد صعيدى راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الصعيدى
قايله ادينى واحد أخضر
نذل يبكي في جنازة سألوه تعرفه ؟ قال: لا بس سمعت ان البكاء يعذب الميت
تلاته خرجوا في رحلة سفاري..واحد مصري والتاني صومالي والتالت أمريكاني..دخلوا كهف وناموا..وصحيوا
بعد 300سنة!..كل واحد فيهم قام رجع بلدة..
الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي)
الأمريكي شغل الراديو سمع: (سيدافع الجيش الأمريكي عن البلاد لآخر جندي!)
المصري شغل الراديو سمع: (إخترناه..وبايعناه...وعشان كده احنا اخترناااااااااااااااااااه!)
واحد بلدياتنا خلصت مدة رخصة عربيته قال لأبوه : رخصتى خلصت... قاله: من كتر لفك فى الشوارع!
تلاتة ركبوا طيارة ...واحد صعيدي و واحد فرنساوي و واحد امريكاني
جت المضيفة :"تشرب ايه يا فندم" رد الامريكاني قالها اشرب مانجة يا مانجا
و رد الافرنساوي اشرب فراولة يا فراولة
و رد الصعيدي اشرب لبن يا داموسة!!!!!!
مرة ممثل كبير جاله دور برد , رفضه !!
مرة مذيعة عملت عملية في ظهرها...شالولها فقرة ..و حطوا برنامج !!
مرة واحد حشاش بيلعب كورة اخد الكورة على صدرة طلعها من منخيرة
ما الفرق بين التليفزيون والغسالة.. ؟؟؟؟؟؟ مفيش فرق الاثنين بيستعملوا إريال ..
ما الفرق بين الزواج والكولونيا؟
الزواج .... قسمة ونصيب
الكولونيا .... قسمة والشبراويشي
ما الفرق بين المرسيدس والتعويرة؟
المرسيدس .... ألماني
والتعويرة ...... آلماني جداً
واحد حانوتي ربنا فتحها عليه و فتح محل فكهاني..كل يوم في المحل يقعد ينادي :
المووووووز علينا حق !!!
اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم
-------------------------------------------------
واحد من الشام راح لبنان و دخل علي محل مستحضرات تجميل و سأل البائع
الشامي: بدي ( لبنان بو)
البائع: شو ؟؟؟؟!!
الشامي : بدي لبنان بو
البائع: شو ها اللبنان بو
الشامي : مبتعرف شو اللبنان بو!!!
البائع: لا خيي مبعرف
الشامي : غريبة عندنا بالشام في ( شام بو)!!!!!
سالوا سائق: مين المطربين المفضلين عندك ؟؟؟ قال : مايكل داتسون ، مازدا الرومي ، اسكودا الشمالي.
مره اثنين بلدياتنا راحوا امريكا لقوا أتوبيس بدورين فقال الاول للثانى .. نركب فوق يا ولد فقال له الثانى
يا غبى فوق ما فيش سواق
طلب مدرس من تلميذغني جدا ان يكتب موضوع تعبير عن عيلة فقيرة فقال التلميذ : كان في عيلة فقيرة الأب
فقير و الأم فقيرة و الأولاد فقراء و الشغال فقير و السواق فقير و البستاني فقير كلهم فقراء!!!!
اية اللى اصغر من الحشرة............ .....التسحة
مرة واحد حاطط راسة فى بلاعة , صاحبه بيقول له بتعمل اية , فرد عليه : بفكر بعمق
مرة واحد بلديات نام بالمقلوب صحى لقى رجلو معمصة
مره واحد بلديتنا اشتغل فى الكويت بعد سنه بعت لاهله فلوس ودسته جاتوه بعد اسبوع اهلوا بعتوله جواب
بيقولولوا اهلك يبسلموا عليك نفر نفر وبيقلولك الصابون الى انت باعته بيوسخ الهدوم
مسطول بيسأل مسطول الساعه كام؟ قاله معرفش، قاله غريبه أنا عندي معرفش إلا خمسه
بيقولك مره واحده حامل ابنها بيقول لها: ايه اللي في بطنك ده يا ماما ؟
قالتله: ده ابني وبحبه قوي
قالها: لما هو ابنك وبتحبيه اكلتيه ليه ؟
مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي.
..تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته
س: ما الفرق بين الكمبيوتر و الاتوبيس و الحفرة ؟ ج:الكمبيوتر .. حاسب آلى والاتوبيس ..
حاسب يا اسطى والحفرة .. حاسب لاتقع
واحد تاية بيسال واحد ماشي في الشارع اقرب طريق للمستشفي ايه قاله غمض عينك و عدي الشارع
واحد غبي واقف قدامه خمس شياطين ليه ....؟؟؟ واحد يوسوسله و اربعه يفهموه
واحد متجوز وقاعد في البيت وبيبص كتير في عقد الزواج، مراته قالت له: "بتبص
في عقد الزواج ليه يا حبيبي؟" قالها: "مش عارف يا حياتي المأذون كتب تاريخ انتهاء العقد فين"
مرة دكتور دخل عنبر فى سراية المجانين لقى واحد بيضرب نفسة بالشبشب سأل الممرضة ماله ده ؟
قالت أصله كان بيحب واحدة ومتجوزهاش ..دخل العنبر الى بعده لقى واحد بيخبط دماغة فى الحيطة
قالها وده ماله قالتله اصل ده الى اتجوزها
واحد كمسري بيقول لابنه تذاااااااكـــــــــــــــــــــــر ............ . تنجح
مرة واحد بلديتنا خرج من محطة مصر لقا بتاع الانابيب بيخبط
قلوة افتحلى وحدة بس تكون سقعة
واحد بيقول لخطيبته لما ازمرلك انزلى قالتله هو انت اشتريت عربيه قاللها لأ اشتريت زماره
واحد بلدياتنا اتعزم فى حفلة تنكرية قام غسل وشه
ومرة مدرس بيسأل تلميذ
المدرس: الثعلب يا حبيبى بيبض ولا بيولد
التلميذ: أصل التعلب ده يا استاذ مكار وممكن يعمل أي حاجة
صعيدي سألوه ماهو السيفون؟؟
قال:صندوق بحبل لما تشده يا تلحق تشرب يا متلحقش.
مره اتنيين مساطيل مااشيين على شريط القطر فواحد بيقول للتاني
يآخي السلم ده طويل بشكل....
رد التاني عليه
الي مضايقني ان الدربزيين واطي أوي....
مره واحد صعيدى قابل واحده اجنبيه
سالها : انتى منين
قالتله: وات؟ what?
قالها: اجدع ناس الوتاوته
مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل
بلدياتنا مراته ولدت بنت الساعه 3 بعد نص الليل ...دبحها وجال ماعنديش بنات تيجى آخر الليل
واحد صعيدى قال لابوه انا عاوز موبايل ابوه قاله موافق بس بشرط تركب اخواتك معاك
مرةواحد صيعيدي راح محل جتوه قال للراجل عنداك جتوة قاله ايوه قاله طب اديني قفصين
واحد بتاع موبيلات نظره ضعف فراح لدكتور العيون ...كشف عليه وقاله :نظرك ضعف بقى ستة ستمية
صعايدة بيكتبوا محاضرة مع الدكتور كل ما يمسح السبورة يقطعوا الورقة
صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت
الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي
هنه حشوف مين
مره واحد بيقول لمراته اعملى حسابك هنتغدى بره جه من الشغل لقاها حطه الاكل فى الشارع
رئيس عربى فى مرض الموت قاله السكرتير الشعب جاى يودعك يا ريس
قال الرئيس ليه هو الشعب مسافر ولا إيه
حشاش بيقول لصاحبه:
انا حلمت امبارح أننا بقينا فنانين
.. أنت فنان تشكيلي ..... وأنا فنان أشكيلك
واحدة وحشة أشترت برفان
أبوها قال لها: يابنتى ده رجالى
قالت له: يعنى لاهما ولا ريحتهم
مسطول خد قطة لمراته
قال لها: شايفه القرد
قالت له: دى قطة
قال لها: أنا بأكلم القطة
صرصار بيجرى ورا عربية المجارى
سألوه ليه؟
قال لهم : ابن الايه شفط المدام
عجوزة خيروها بين الحج والجواز
وطت راسها مكسوفة
وقالت: هى مكة هاتطير
راقصة بتسأل شيخ مودرن: هو أنا ممكن أبوسك؟
رد عليها وقال: فعل الخير لا يحتاج مشورة
غبى واقف فى ميدان التحرير بيقلع هدومه
سألوه: ليه بتعمل كده؟
فقال: أصل الكمسرى قال لى علشان أروح شبرا
لازم أغير فى التحرير
واحدة بتعيط علشان إبنها تايه
قابلها واحد قال لها: ماتخافيش ولاد الحلال مابيضيعوش
قالت: يانهار أسود يبقى الواد مش هايرجع
صرصار فى العناية المركزة
بيسأل صرصار جنبه: بيروسول برضه؟
قال له: لأ ... شبشب
الواحد لو زهق من الحياة يعمل إيه؟
الجواب: ينقل على دريم
- غبى زعل من أمه راح اشترى لها كرتونة لبن
وقال لها: كده خالصين مالكيش حاجة عندى
نكت مساطيل
محشش اشترى لأمه عصفورين!! واحد يغرد والثاني ساكت
..سألته أمه ليه الثاني ساكت؟!
قالها أصل دا الملحن
_______________________
مسطول راح المحكمه القاضى بيسأله انت متجوز مين؟قاله متجوز واحده ست
القاضى:انت بتهرج هو فى حد بيتجوز واحد راجل
قاله أيوا أختى متجوزة راجل
________________________
واحد مسطول ماشى فى الشارع قابل واحد قاله ازيك يا محمد انت اتغيرت اوى يا محمد عنيك ووشك
وشكلك اتغير قوى يا محمد
رد عليه وقاله انا مش محمد قاله ياه وكمان غيرت اسمك
_____________________
مسطول ماشى فى الشارع لقى عمود نور مكتوب عليه شقة للايجار قعد يخبط على العمود لغاية لما جاله
مسطول تانى
قال له انت بتعمل ايه هنا قال له اصلى لقيت مكتوب شقة للايجار
قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق
________________________
اتنين مساطيل طينة طلبت معاهم ان اول واحد هيعدى من الشارع
يقطعوا رقبته ويلعبوا بيها كورة فلقوا واحد معدى من الشارع أتاريه مسطول اكتر منهم المهم وقفوه
و قالوا له احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم
دا انا افسيها قبل ما تلعبوا بيها..
__________________________
فيه واحد محشش دخل البيت متاخر فتحتله اخته الباب قام وضربها قالها ليه متاخره
__________________________
مره واحد مسطول سال واحد طبيعي هي الساعه كام فالطبيعي رد الساعه عشره وعشره راحالمسطول قاله
متقول عشرين وتخلص
________________________________
اتنين مساطيل واحد بيقول للتانى يا أخ هوه النهاردة الحد ولا التلات رد
وقاله يا عبيط النهاردة الاتنين راح قاله يا راجل الاتنين
مع بعض_____________________________
كان فى واحد مسطول دخل على بيتهم راح دايس على رجل امه قالتلو إيه
ماشوفتنيش قال والله شوفتك بس فين مش عارف
__________________________
وااحد مسطول بيسأل واحد مسطول فين شارع 26 يوليو قالوا متعرفش سنة كام بالتحديد
واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى
خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل
الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد
في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه
من جاركم يبقى هيرجع كام الف، التلميذ: مش هيرجع حاجه يا استاذ ، الاستاذ: ياابني استلف الف وبعديها
الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب،
التلميذ: انت اللي متعرفش ابويا يا استاذ
واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد
مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص
وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته
اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.
مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك
من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة
يارجالة سودة وبسوستة
واحد سكران ماشي في الشارع لقى واحد عنده حسنة فوق عينه قالو ياخي عين دي ولا غين
مسطول ماسك ثلجه بيقول أموت و أعرف بتنقط منين الميه ديه
مرة واحد مسطول ماشي قدام مزرعه لقى مكتوب عليها من بره ((مزرعة عجول)) دخل للبواب وقاله
"يا عم انت بتزرعوا العجول ازااااي ؟" البواب شافه مسطول قال اراضيه بكلمه علشان يمشي قاله
"احنا بنرمي السكر على الارض وتاني يوم بتطلع العجول." روح المسطول البيت ورمى سكر على
الارض تاني يوم لقى النمل كتييييييير على الارض قلهم "يا حلاوة العجول وهي صغيرة"
مره واحد غنى جاب عربيه فور باى فور جديده وركنها تحت البيت وكل يوم بليل يعدى من تحت البيت
واحد مسطول يلاقى مكتوب ع العربيه 4x4 يروح كاتب = 16 ينزل الراجل صاحب العربيه الصبح
يضايق ويوديها الميكانيكى يروح يصلح الصاج وكذا مره تتكرر الحكايه دى فالميكانيكى اقترح على
صاحب العربيه فكره انه يكتب هو = 16 بدل ما الراجل السكران يكحت الصاج فرح الراجل وعمل كده قام
الراجل السكران رجع بليل لقى مكتوب ع العربيه 4×4 = 16 راح جاب حجره وعمل علامة صح
اتنين مساطيل اتفقوا انهم يسرقوا العماره اللى قدامهم فالحرامى الاول اقترح انهم يزقوا البيت الى
مكان بعيد وفاضى علشان يسرقوا براحتهم فخلعوا ملابسهم وفضلوا يزقوا فى البيت فات من جنبهم
واحد حرامى سرق الملابس فواحد منهم بص وراه ملقاش الهدوم قال بس كفايه كده احنا بعدنا اوى
مره ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات
وبعد يومين وهو معدي لقاه بيعيط تاني قالو انت بتعيط ليه تاني، رد اصلي اكتشفت ان اللي بحبها من
عشرين سنه طلعت خرطوم
واحد غبي طلع برج القاهرة في اخر دور وبص على الناس تحت لقاهم صغيرين جدا وركز على واحد
منهم وكلما كان ينزل دور كان يلاقي حجمه يكبر حتى وصل للدور الارضي راح للراجل وحضنه وسلم
عليه فساله الراجل انت تعرفني قال له طبعا يا راجل ده انا اعرفك من وانت صغير قوي
============================================
مدرسه لابسه سلسله على شكل طياره وفاتحه البلوزة لقت تلميذ بيبص جااااااامد قالتله: عجبتك الطياره ...
قالها: لأ.. عجبنى المطار
غبي اتقدم لواحده قالتله اسفه جوايا شخص تاني ، قالها بلاش فلسفه قولي انك حامل
واحد بيعاكس واحده بيقولها : عسل يا بنت النحله قالتله : قشطه يا بن الجاموسه
واحد بيقول لصاحبه هو انا لو بوست اختك هانبقي نسايب ، قالوا لا هنبقي خالصين
ولد صغير بيسأل الميس بيقولها : ياميس هو اللى عنده 20 سنه بيخلف قالتله : اه ..قالها : واللى عنده 17 سنه ..قالتله : ممكن ..قالها : واللى عنده 4 سنين زى انا كده قالتله: لأ ...راح مميل على زميلته وقالها مش قلتلك متخافيش ؟؟؟؟؟؟؟؟؟؟
واحد اتجوز واحدة اسمها "نعمة" باسها وش و دهر
واحد بيقول لحبيبته يمكن ماكنش غنى ولا عندى عربيه ولا فيلا ولا فلوس زى محسن صحبى بس ( بحبك)
فحضنته ودمعت وقالتله : لو بتحبنى عرفنى على محسن
مرة واحد ندر لو ابنه نجح في الثانوية هيدبح خروف ، فبيسألوه عالنتيجة قالوهم الخروف نجح
وحدة بتقول لجوزها لازم تمشى السواق دة كان هيموتنى مرتين قالها:طيب نديلة الفرصة التالتة
واحد بيحب واحده فى خدمه العملاء اتصل بيها بيقولها وحشتينى ، لأها بتقوله : البوسه اضغط رقم 1 ... الحضن اضغط رقم 2 ...... اكتر من كده متضغطش عليا
مرة واحد سعودي لقى مصباح علاء الدين دعكه طلعله الجني قاله شبيك لبيك تطلب ايه؟
قاله: طلعلي كل المصريين من السعوديه ، فالجني قاله: ليه بس يا عم احنا عملنالك حاجه | |
|
