منتدى اجتماعي .... عائلي ... يعمل على جمع عائلة أرناؤوط في جميع بلاد العالم
 
الرئيسيةالبوابةاليوميةس .و .جبحـثالتسجيلدخول
آهلا وسهلا بجميع من انضم الينا،،،، منتديات آل أرناؤوط ترحب بالجميع أهلا بكم
بحـث
 
 

نتائج البحث
 
Rechercher بحث متقدم
المتواجدون الآن ؟
ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 75 بتاريخ السبت يوليو 05, 2014 1:31 pm
المواضيع الأخيرة
» انت..لست قلبى؟؟
الثلاثاء فبراير 23, 2016 6:15 am من طرف احمد رضا الارناؤوطى

» استخراج تصريح الدفن وشهادة الوفاة للمتوفى
الثلاثاء فبراير 23, 2016 6:10 am من طرف احمد رضا الارناؤوطى

» شجرة عائلة الارناؤوطى المصرية
السبت ديسمبر 19, 2015 8:01 pm من طرف احمد رضا الارناؤوطى

» المولد النبوى
السبت ديسمبر 19, 2015 7:57 pm من طرف احمد رضا الارناؤوطى

» الذكرى 42 لنصر اكتوبر
الإثنين نوفمبر 02, 2015 1:14 pm من طرف احمد رضا الارناؤوطى

» خداع العيون كلمات احمد رضا
الإثنين نوفمبر 02, 2015 1:11 pm من طرف احمد رضا الارناؤوطى

»  ساعة توديع الاندال /كلمات احمد رضا
الأحد أكتوبر 04, 2015 1:18 pm من طرف احمد رضا الارناؤوطى

» الى الاندال فى جميع انحاء العالم /كلمات احمد رضا
الثلاثاء سبتمبر 08, 2015 2:06 pm من طرف احمد رضا الارناؤوطى

» رثاء للنخوة والشهامة المصرية
الثلاثاء أغسطس 18, 2015 1:57 pm من طرف احمد رضا الارناؤوطى


شاطر | 
 

 محمد على باشا محقق نهضة امنا مصر الحديثة كان عايز يخفس بنهضة امى الارض؟؟

اذهب الى الأسفل 
كاتب الموضوعرسالة
استاذ علاء بيومى

avatar

عدد المساهمات : 1567
تاريخ التسجيل : 21/02/2012
العمر : 65
الموقع : القاهرة

مُساهمةموضوع: محمد على باشا محقق نهضة امنا مصر الحديثة كان عايز يخفس بنهضة امى الارض؟؟   الجمعة أبريل 18, 2014 3:31 pm

بسم الله الرحمن الرحيم
=0=0-0-0-0-0=0=0=-0=
محمد على باشا محقق نهضة امنا مصر الحديثة كان عايز يخفس بنهضة امى الارض؟؟
=-=-=--0-0-0=-=-=-0
الباشا...جه مصر...وجاب معاه مجموعة كبيرة من المماليك..عشان يساعدوه فى حكم مصر، اودعهم جزيرة الروضة عندنا بالمنيل..رباهم وعلمهم ودربهم ..وخلاهم على اعلى مستوى من الثقافة والعلم والقوة البدنية..واختار لنفسه قواده...كان منهم جدى الراحل الكبير /مراد امين بك الارناؤوطى....
ارسل الباشا المماليك ببعثات تدريبية خارج القطر مصر...وقال هم دولى اللى حيحققوا نهضة مصر لما يرجعوا من انجلترا وخلافها...
ماننساش ان والى مصر اصلا تركى..عثمانى..مرسل من السلطنة العثمانية وقتها ذات النفوذ الكبير بالعالم كله..
ولهذا تم تعيينه واليا عثمانيا على مصر...
نعم حقق لمصر نهضة عظيمة...نتحاكى عنها الآن ومن ذى قبل...
ولكن...
كان يريد تحقيق النهضة لحساب مجده الشخصى..حتى ولو كان على حساب من وقفوا معه يساندونه ويؤيدونه ويحمونه من المماليك..
اشتد عود المماليك..وقويت شوكتهم مع المصريين...
أحس محمد على الوالى العثمانى ان هناك وحدة ترابط بين المصريين والمماليك...
قال ..تعمل ايه يا واد يامحمد..تعمل ايه ياحمادة؟؟
فأشار عليه شيطانه....اقتل المماليك..وادبحهم..ومثل بهم...حتى تنفرد بالحكم لسنين انت واولادك اللطاف الظراف...ومحدش حيلومك..ولا حيفتح بقه؟؟
جه فى يوم عزمهم ..وده يوم مذبحة القلعة الشهيرة...
عزمهم فى القصر..
كل المماليك..بما فيهم جدى..وقتها مراد امين بك الارناؤوطى..
ومابين رقص وشراب وضحك وهرج ومرج..كانت الخطة ستبدأ بالإبادة الوحشية؟
قام ايه..اغلق كل ابواب القلعة
لا حد يخرج ولا حد يدخل..
وكان متفق مع آمر الداخلية والعسس..انهم يبدأوا بالتنفيذ ساعة الاشارة..
بدأو بتضييق الخناق على المماليك..وبدأت المدبحة يامعلم..مابين دبح لتطيير رقاب مابين سحل وجر..وسالت دماء المماليك..كأهم دجاج او قل كلاب ولا تسوى..
ونسى محمد على باشا ان دول هما اللى وصلوه للحكم وايدوه ونصروه ..وخلوله صيت وغنى وحضور وتشجيع من السلطنة العثمانية؟؟
كل من حاول منهم من ال500 واحد يهرب يلاقى 2 او 3 او حتى 10 من العساكر تمسكه وتدبحه..يعنى العساكر والضباط مالقيتش مقاومة ابدا من الفراخ اقصد من المماليك؟؟
ما اتفضلش غير جدى..الله يكون فى عونك يا جدى...حيعمل ايه وهو شايف المدبحة والدم بقى للركب فيها وفى ساحتها الكبيرة...؟
محمد على كان مالوش حبيب منهم..
واللى كان بيقوله انت حبيبى...تانى يوم كان بينفيه خارج مصر؟؟
جدى كان من نوع الطباع الهادية والقوة والاعتزازو بالنفس ويضحى عشان المصريين ويقول رأيه بصراحة ويتحدى الوالى والعثمانيين عينى عينك..وعنده كان اهم حاجه الرأى الحر ،والوفاء..وكان بيكره الغدر..وبيحب المصريين مثل عينيه وكان له اصدقاء مصريين كثيرين..حتى انه تزوج جدتى فوزية العليمى من المصريين وعاش فى سعادة معها جدا جدا...
مافضلش غيرك ياجدى؟؟
كله اندبح قصادك؟
يعنى حتعمل ايه؟؟ حتستسلم لسيف السياف والعسس والا حتعمل ايه؟
عمل حاجه..مازال التاريخ بيدرسها؟
كان مسلح...ولكن فى الحفل خدوا كل سلاحهم ..ماهم امام الوالى والحفلة حيحضرها الكبير..يبقى ايه لازمة السلاح؟؟
حتعمل ايه ياواد ياجدى يا مرمر بك..حتعمل ايه امام جحافل القصر والعساكر وتطيير الرقاب..محمد على ده ظالم..وافتكرنا حنقوم عليه نقتله..فقام بقتلنا واحد واحد..نفر نفر..؟ ياحلاووووووة؟؟
قال لك انا لو مامتش بالسيوف حاموت فى جلدى..
والعمر واحد والرب واحد..
فكر بسرعة لما وجد العسس بتبص له وبيجروا عليه..
وهو كان على الحصان..
لف ودار..ونزل بعيد عنهم..
وخلع شاله...
وهو بيودع حصانه وتكاد الدموع تهطل على جسد الحصان..وهو يقبل رأسه..
ثم قام بتغميم وجه الحصان بشاله الابيض..
وكان قد فكر بالطيران من اسوار القلعة الشاهقة الارتفاع..
ثم دار ولف نحو الباب الغربى من القلعة وطار كالأسد الرامح او قل الفارس الطائر ..والحصان لا يرى شيئ امامه وقفز السور بالحصان..
ساعتها لم يدرك جدى انه سينكتب له عمر جديد ومديد..
وقبل ان يصل الحصان الى الارض ويموت قفز قبلها جدى بعيدا عن الارض بحوالى 4 امتار..وسقط بعيدا عنه..مات الحصان لا حول الله..وعاش جدى بين صيحات الحرس امسكوه امسكوه..
يمسكوا مين ياعم..ويافكيك على بولاق.....؟؟
دخل مراد بك جدى الكبير بولاق..وقام اهلها الشجعان بتخبئته بعد ان ارسل الوالى الزفت محمد على..حراسه وقواد للقبض عليه...
وعاش جدى معهم واشتغل بالتجارة متخفيا مقاوما محمد على الظالم البائس الغبى..
وبعد ان قال الحمد لله ربنا رايد لى ان اعيش؟
يعنى لو كنت مت ياجدى كنت حاتوجد فى الدنيا دى ازااااى؟
وعلى رأى خالى الشاعر احمد رضا الارناؤووطى ..جدى قال مقولته الشهيرة...
نططنى من القلعة ..وادينى عمر جديد هههههههههههههههههه
وخلف مراد باشا امين الارناؤوطى كل العائلة...
والحمد لله..سلالات وراء سلالات...
منهم الدكاترة والمهندسين امثالى..منهم فنانين مثل خالى فتلة ساعة لقلبك منهم لواءات شرطة وجيش مثل خالى احمد رضا الارناؤوطى..كثيرون والحمد لله..
والسؤال هنا..
يا محمد ياعلى او لسلالته او الذين بيشجعوا عصره وفؤاد وفاروق والعالم الزبالة دى..
لو كنت يا والى مصر دبحت جدى انا..
كنت انا وغير حانتولد ازاى ياروح خالتك؟
كل ما بافكر فى دى ..باحزن..
وبحس ان نصل السكين اللى كان حيدبح جدى..
بيدبحنى انا دلوقتى؟
كنت عاوز تخفس بقيامة امى الارض
وتنهض بمصر؟
جتك مصيبة يامحمد على..
اهى جت ثورة 23 يوليو بقيادة الثوار الاحرار وجمال عبد الناصر
وخدت بتارنا كلنا
وقضوا على اسرة محمد على وفاروق الى الابد ياروح ماما يا محمد على باشا والى مصر اللى ولى وترك الدنيا تحت لعنات المصريين كلها وعلى فاروق واللى بيشجعه؟
لعنة الله على الخديعة وعلى الخسة والندالة....يامصر يا ام الدنيا..ياغالية
=-=-=-=--
مهندس/علاء بيومى
18من ابريل عام 2014 ميلادية
جزيرة الروضة
القاهرة
مصر العربية القوية والحمد لله
الرجوع الى أعلى الصفحة اذهب الى الأسفل
 
محمد على باشا محقق نهضة امنا مصر الحديثة كان عايز يخفس بنهضة امى الارض؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات آل أرناؤوط :: ساحة التاريخ و الحضارة :: عائلة أرناؤوط-
انتقل الى: